TOShKENT, 20 yanv – Sputnik. Afg‘onistonlik narkotik moddalar sotuvchilari tojikistonlik cho‘pon To‘raxon Nurmatovni ozod qilish uchun 40 ming dollar talab qilishmoqda, deb xabar qilmoqda Sputnik Tojikiston, “TojikTA” xabariga asosan.
Tojikiston Ichki ishlar vazirligi yo‘qolib qolgan fuqaro T. Nurmatovni qidirish ishlari hozircha muvaffaqiyatga olib kelmaganini va ayni damda ushbu muammoni hal qilishda Afg‘oniston chegara qo‘shinlari yordam berishga urinayotgani ta’kidlashdi.
Xabarda aytilishiga ko‘ra, T. Nurmatov Mishkoron qishlog‘ida yashovchi fuqaroning uyida cho‘pon bo‘lib ishlagan. Biroz oldin u fuqaro narkotik moddalari kontrabandasida ayblanib qamalgan, uning yonidan topilgan narkotik moddalar esa musodara qilingan.
Shundan so‘ng afg‘onistonlik nashafurushlar o‘zlarining yo‘qolgan “tovar”i evaziga aybsiz cho‘ponni o‘g‘irlab ketishgan. Ayni damda Tojikiston fuqarosi Afg‘onistonning Badaxshon viloyatida sog‘-omon saqlanayotgani aytilgan.