TOShKENT, 12 yanv — Sputnik. Olimlari noto‘g‘ri ovqatlanish sabab yuz beradigan o‘lim holatlari darajasi bo‘yicha mamlakatlar reytingini tuzdilar. O‘zbekiston bu reytingda birinchi o‘rinda.
Daily Mail nashri xabariga ko‘ra, Germaniyadagi Fridrix Shiller nomidagi universitet olimlari 1990-yildan 2016-yilgacha bo‘lgan davrda tadqiqot o‘tkazishdi.
Zararli ovqatlanish odatlari tufayli eng yuqori o‘lim darajasi MDH mamlakatlarida qayd etildi.
O‘zbekiston o‘lim holatlari soni bo‘yicha “yetakchi” bo‘ldi. Qayd etilishicha, mamlakatda yomon ovqatlanish oqibatida har 100 ming kishidan 394 kishi hayotdan ko‘z yumgan.
Ikkinchi va uchinchi o‘rinda Turkmaniston hamda Qirg‘iziston.
Ulardan keyin Ukraina, Moldova, Ozarboyjon, Belarus, Tojikiston va Qozog‘iston joylashdi.
Rossiya har 100 ming kishiga 291ta o‘lim holati ko‘rsatkichi bilan o‘ntalikni yakunladi.
G‘arbiy Yevropa noto‘g‘ri ovqatlani bo‘yicha eng yomon ahvol Germaniyada qayd etildi.
Ispaniya, Isroil va Fransiya aholisi eng to‘g‘ri ovqatlanishga rioya qiladi. Bu mamlakatlarda har 100 ming kishidan 43-46 inson noto‘g‘ri ovqatlanish odatlari tufayli hayotdan ko‘z yumgan.