TOShKENT, 4 yanv - Sputnik. O‘zbekiston Hukumati 2019-yil 15-yanvar sanasidan Germaniya fuqarolari uchun 30 kunlik vizasiz tartibni joriy etdi, deb xabar qildi Davlat turizm qo‘mitasi matbuot-xizmati.
O‘zbekistonga Germaniyadan kelgan turistlar soni 2016-yilda 4 889 kishini, 2017-yilda 7 207 kishini, 2018-yilda esa 18 094 kishini tashkil qilganligi alohida qayd etilgan.
Shuningdek, ta’kidlanishicha, vizasiz tartib o‘rnatilishiga GFR fuqarolarining evisa dasturidan foydalanishlari omil sifatida xizmat qilgan: 2018-yil 28-dekabr holatiga ko‘ra, Germaniyaning 1089 nafar fuqarosi kirish vizasini rasmiylashtirgan, va ushbu dasturdan foydalangan mamlakatlar orasida 10-pozitsiyani egallagan.
Shu munosabat bilan O‘zbekiston prezidentining "O‘zbekiston Respublikasining turizm sohasini jadal rivojlantirish chora-tadbirlari" to‘g‘risidagi Farmoniga binoan tegishli o‘zgartirishlar kiritilmoqda va 2019-yil 15-yanvar sanasidan GFR fuqarolari uchun 30 kun muddatga turistik maqsadlarda vizasiz tartib joriy etilmoqda.
Eslatib o‘tamiz, vizasiz tartib joriy etilishi 2021-yil 1-yanvar sanasiga rejalashtirilgan edi.