TOShKENT, 2 yanv - Sputnik. O‘zbekistonlik Vladimir Norov Shanxay hamkorlik tashkiloti Bosh kotibi lavozimini bajarishga kirishdi, deb xabar qildi TIV matbuot-xizmati.
Tashqi ishlar vazirligi xabariga ko‘ra, Norov ilgari O‘zbekiston Respublikasi Prezidenti huzuridagi Strategik va mintaqalararo tadqiqotlar instituti direktori lavozimida ishlagan va Favqulodda va Muxtor Elchi martabasiga ega.
2006-2010 gyillarda O‘zbekiston Tashqi ishlar vaziri lavozimini egallagan.
ShHT - 2001-yilda Xitoy, Rossiya, Qozog‘iston, Tojikiston, Qirg‘iziston va O‘zbekiston yetakchilari tomonidan tashkil etilgan xalqaro tashkilotdir. Ostonada 9-iyun kuni o‘tkazilgan ShHT sammitida Shanxay Hamkorlik Tashkilotiga a’zo davlatlar yetakchilari Hindiston va Pokistonni tashkilotga qabul qilish qarorini imzolagan edilar.
Ayni vaqtda Afg‘oniston, Belarus, Eron va Mo‘g‘uliston tashkilotda kuzatuvchi-davlatlar maqomiga ega. Ozarbayjon, Armaniston, Kambodja, Nepal, Turkiya va Shri-Lanka esa sherik-mamlakatlar sanaladi.