TOShKENT, 24 dek – Sputnik. Surxondaryo viloyati bojxona boshqarmasi Kontrabanda va bojxona qonunchiligi buzilishiga qarshi kurashish bo‘limi va huquqni muhofaza qiluvchi boshqa idoralar tezkor vakillari ishtirokida Termiz shahri “Bo‘ston” mahallasida joylashgan “Aziya” restorani yonida tezkor tadbir o‘tkazildi, deb xabar qildi qo‘mita matbuot xizmati.
“Tadbir natijasida O‘zbekiston Respublikasi fuqarosi O.X. 3 million so‘mlik jami 6130 dona pirotexnika vositalarini sotmoqchi bo‘lgan vaqtida tadbir ishtirokchilari tomonidan qo‘lga olindi”, - deyilgan xabarda.
Hozirda mazkur holat yuzasidan bojxona tekshiruvlari davom ettirilmoqda.
Avvalroq Toshkentda huquqni muhofaza qiluvchi organlar tomonidan 2018-yil noyabr oyida o‘tkazilgan reyd chog‘ida umumiy qiymati 14 million so‘m bo‘lgan kontrabanda pirotexnika vositalari musodara qilingandi