TOShKENT, 24 dek – Sputnik. O‘zbekiston va Tojikiston chegara qo‘shinlari birinchi qo‘shma harbiy kengash yig‘ilishini o‘tkazishdi, deb xabar qildi Sputnik Tojikiston.
Yig‘ilish 21-22 dekabr kunlari So‘g‘d viloyatining Gulistonida o‘tkazildi.
Uchrashuvda Tojikiston chegara qo‘shinlari qo‘mondoni, general-polkovnik Radjabali Raxmonali va O‘zbekiston DXX chegara qo‘shinlari qo‘mondoni, general-mayor Ruslan Mirzayev va chegara qo‘shinlari boshqarma rahbarlari ishtirok etdi.
Uchrashuvda tomonlar O‘zbekiston va Tojikiston o‘rtasidagi hamkorlik rivojlantirishga alohida e’tibor qaratilayotganini ta’kidladilar.
Harbiy kengashda Afg‘oniston bilan chegaradagi vaziyat muhokama qilindi.
Shuningdek, O‘zbekiston va Tojikiston chegara qo‘shinlari 2019-yil uchun hamkorlik rejasini ishlab chiqishdi.
Hujjatning asosiy maqsadi - mamlakatlar o‘rtasida o‘zaro manfaatli hamkorlikni mustahkamlash va rivojlantirish hamda davlat chegarasini himoya qilishdir.