TOShKENT, 11 dek — Sputnik. Rossiyaning 201-harbiy bazasi harbiy xizmatchilari Tojikistonda shartli jinoiy guruh hujumini bartaraf qildi. Bu haqda Rossiya Mudofaa vazirligi xabar qildi.
Mashqlar g‘oyasiga ko‘ra, shartli terrorchilarning qurol-yarog‘ va o‘q-dori omborlariga tayyorlanayotgan hujumi haqida ma’lumotlar olinadi. Harbiylar trevoga bo‘yicha ko‘tarilib, hujum kutilayotgan hududga tashlanadi.
“Motoo‘qchilar uzoqdan jangarilarni qurshab oldi va maxsus operatsiya davomida ularni yo‘q qilishdi”, - deyilgan xabarda.
Eslatib o‘tamiz, Tojikistonda joylashgan 201-harbiy baza Rossiyaning mamlakat tashqarisida bo‘lgan yirik harbiy bazasi hisoblanadi. 2012-yilda imzolangan shartnomaga ko‘ra ushbu baza Tojikiston hududida 2042-yilga qadar qolishi mumkin.