TOShKENT, 27 noya – Sputnik. Joriy yil 6-dekabr kuni Rossiya Federatsiyasining Sankt-Peterburg shahrida MDH ishtirokchi davlatlari rahbarlarining norasmiy uchrashuvi bo‘lib o‘tadi. Unda O‘zbekiston prezidenti Shavkat Mirziyoyev ham qatnashishi kutilmoqda.
Bu masala kecha, 26-noyabr kuni O‘zbekiston Tashqi ishlar vazirining birinchi o‘rinbosari Ilhom Ne’matov va Rossiya Federatsiyasi Favqulodda va Muxtor Elchisi Vladimir Turdenev o‘rtasida o‘tgan uchrashuvda muhokama qilingan.
“Uchrashuvda O‘zbekiston – Rossiya kun tartibining hamda Sankt-Peterburg shahrida bo‘lib o‘tadigan MDH ishtirokchi davlatlari rahbarlari norasmiy uchrashuvining dolzarb masalalari muhokama qilindi”, deyilgan TIV xabarida.
Shu bilan birga, suhbat chog‘ida xalqaro va mintaqaviy siyosatning ayrim masalalari yuzasidan fikr almashildi.