TOShKENT, 21 noya – Sputnik. Rossiya O‘zbekistondan kelayotgan yo‘lovchilar uchun bagaji va qo‘l yukida o‘simlik mahsulotlarini olib kelishlariga vaqtinchalik cheklov o‘rnatdi, deb xabar qildi O‘zbekiston TIV matbuot xizmati.
Rossiya Federatsiyasining Veterinar va fitosanitar nazorati bo‘yicha federal xizmati O‘zbekiston tomoniga taqiqni rasman tasdiqlagan.
"O‘zbekistondan kelayotgan yo‘lovchilar bagaji va qo‘l yukida Rossiya Federatsiyasi uchun karantin ostidagi mahsulotlarda karantin obyektlari muntazam tarzda aniqlanayotgani munosabati bilan, Konvensiyaning VII moddasi 1a bandiga tayangan holda 2012-yil 16-apreldan e’tiboran "Rosselxoznadzor" tomonidan O‘zbekistondan kelayotgan yo‘lovchilar bagaji va qo‘l yukida o‘simlik mahsulotlarini Rossiya Federatsiyasiga olib kelishga vaqtinchalik cheklov o‘rnatilgan", - deyilgan xabarda.