TOShKENT, 19 noya – Sputnik. 2019-yilning boshida Qozon shahrida O‘zbekiston Bosh konsulxonasi ish boshlaydi deb xabar qildi O‘zbekistonning Qozondagi bosh konsuli Fariddin Nasriyev mahalliy OAVlarga.
Fariddin Nasriyev oktabr oyining oxirida Qozon shahrida O‘zbekiston bosh konsuli etib tayinlangan edi.
O‘zbekistonning Qozondagi Bosh konsulxonasi Tatariston, Boshqirdiston, Mariy El, Mordoviya, Udmurtiya, Chuvash respublikalari, Kirov, Nijegorod, Orenburg, Penza, Samara, Saratov va Ulyanov viloyatlariga xizmat ko‘rsatadi.
Eslatib o‘tamiz bir necha kun oldin Sankt-Peterburgda va Yekaterinburgda O‘zbekiston konsulxonalarining rasmiy ochilish marosimlari bo‘lib o‘tgan edi.