TOShKENT, 13 noya – Sputnik. Bugun Facebookdagi “Ferganskaya dolina” guruhida quyidagi videolavha paydo bo‘ldi.
“Buxoro «Muhandislik instituti»da oliy matematika o‘qituvchisi talabalarni galstugi bo‘lmaganligi uchun o‘quvchilarni kaltakladi”, - deyilgan ushbu videoga qoldirilgan izohda.
Videoni ovoz bilan tomosha qilganda o‘qituvchi “kazol”, “kazol” deb baqirganini eshitish mumkin. Voqea qachon bo‘lgani noma’lum.
Eng so‘nggi ma’lumot: Buxoro Muhandislik instituti qabulxonasi Sputnik muxbiriga bergan xabariga ko‘ra, ushbu videolavhada tasvirlangan voqea taxminan bir yil oldin sodir bo‘lgan. Ayni damda ushbu matematika o‘qituvchisi institutda ishlamaydi.