TOShKENT, 28 okt - Sputnik. Rossiya Mudofaa vazirligi "Samarqand" radioelektron kurash majmualarini 13ta harbiy qismlarda, shu jumladan, Kaliningrad viloyatida ham joylashtiradi: ularning joriy ta’miri, montaj va kam-ko‘stini to‘g‘irlash uchun tender elon qilingan. Bu haqda davlat xaridlari saytida e’lon qilingan hujjatda aytilgan.
Rossiya Federatsiyasi Mudofaa vazirligi vazirlik ma’lumotlarni uzatish tizimiga "Samarqand" REPlarining tarkibiy qismlarini ulash, montaj va chala ishlarni bitirish uchun yopiq turdagi auksion o‘tkazilishini ma’lum qildi.
Shartnomaning boshlang‘ich bahosi 61 million rublni tashkil qiladi. Majmualarni 2019-yilning 10-noyabriga qadar ekspluatatsiyaga kiritish rejalashtirilmoqda.
"Samarqand" majmualari ishi Murmansk, Kaliningrad, Nijegorodsk, Moskva viloyatlari, Krasnodar va Primorsk o‘lkalari, Yahudiy avtonom viloyati va Belorussiyadagi 13ta harbiy qismlarda ta’minlanishi ko‘zda tutilgan.