TOShKENT, 12 okt – Sputnik. Jizzax viloyatining Sharof Rashidov tumanida avtobus ishtirokida yo‘l-transport hodisasi yuz berdi, deb xabar qildi IIV matbuot xizmati.
Ma’lum bo‘lishicha, 11-oktabr kuni Buxoro tumanida yashovchi S.B. boshqaruvidagi “Isuzu” rusumli avtobusini salonida jami 28 nafar yo‘lovchilari bilan “Jizzax-Do‘stlik-Gagarin” yo‘lining 23-km.da haydab ketayotib, boshqaruvni yo‘qotishi oqibatida avtobus yo‘l chetiga yonboshlab qolgan.
Natijada 3 nafar yo‘lovchi jarohat olib kasalxonaga yotqizilgan hamda 16 nafar yo‘lovchiga tibbiy yordam ko‘rsatilgan.
IIV xabariga ko‘ra, surishtiruv ishlari olib borilmoqda.