TOShKENT, 10 avg - Sputnik. 2018-yil 6-avgustda imzolangan prezident qaroriga muvofiq, O‘zbekistonning beshta shahrida Davlat boshqaruvi akademiyasining hududiy filiallari tashkil etildi.
Adliya vazirligining xabariga ko‘ra, Guliston, Qarshi, Samarqand, Urganch va Farg‘ona shaharlarida tashkil qilingan hududiy filiallarda davlat va jamiyat boshqaruvi sohasidagi rahbar kadrlarning malakasi oshiriladi.
Hududiy filiallarga maqomi va mehnatga haq to‘lash shart-sharoitlari bo‘yicha Davlat boshqaruvi akademiyasining fakultet dekaniga tenglashtiriladigan direktor rahbarlik qiladi.