TOShKENT, 1 avg - Sputnik. Samarqand viloyat hokimi vazifasini bajaruvchi Erkinjon Turdimov tumanlardagi rahbarlarni yangilamoqda.
Viloyat hokimligi matbuot-xizmati xabariga ko‘ra, 2017-yil fevral oyidan buyon Past Darg‘om tumani hokimi vazifasida ishlab kelgan Sobirjon Ergashev o‘z arizasiga ko‘ra tuman hokimi vazifasidan ozod etildi.
Shu paytgacha Toyloq tumani hokimi vazifasida faoliyat ko‘rsatgan Baxodir Sa’dullayev Past Darg‘om tumani hokimi vazifasini bajaruvchi etib tayinlangan.
Toyloq tumani hokimi vazifasini bajaruvchi lavozimini 2014-yil sentabr oyidan buyon "Agrobank" Samarqand viloyati boshqarmasi boshlig‘i vazifasida ishlab kelgan Baxodir Bobonazarov egallagan.