TOShKENT, 23-iyul - Sputnik. Tojikiston janubidagi Ko‘lob shahrida og‘irligi sakkiz kilogramm bo‘lgan bolakay tug‘ildi, deb xabar qilmoqda “Mir 24” telekanali.
Tug‘ruqxona shifokori Anzurat Izzatulloyeva aytishiga qaraganda, chaqaloq tug‘ilganda unga kislorod maskasi kiydirish kerak bo‘lgan. Hozir esa u mustaqil nafas olishni boshlagan.
Dunyoga kelgan zahoti chaqaloqning og‘irligi roppa-rosa 8 kilogramm bo‘lgan. To‘rt soat o‘tib bolakayning vazni 800 grammga kamaygan.
Shifokor aytishiga qaraganda bola uchun ham onasi uchun ham tug‘ilish jarayoni og‘ir kechgan, lekin ayni damda ularning ikkovi ham o‘zlarini yaxshi his qilmoqda. Bolakay oilada beshinchi farzand. Uning opa-akalari tug‘ilganda 3,5 – 4,5 kilogramm bo‘lishgan. Bolakayning o‘zi ham semiz emas, faqat tabiatdan yirik.
Ko‘lob shahar ma’muriyati bolakay tug‘ilgan oilaga tibbiy va ijtimoiy yordam berishni o‘z zimmasiga oldi.
Bu Tojikiston tarixida tug‘ilgan eng yirik chaqaloq bo‘ldi, deyilgan xabarda.