TOShKENT, 11-may — Sputnik. Botir Rahmatovich Parpiyev Davlat soliq qo‘mitasi raisligidan olinib, yangi vazifaga tayinlangan. Bu haqda "Xabar.uz" nashri xabar qildi.
Xabarda aytilishicha, Botir Parpiyev Fuqarolarning o‘zini o‘zi boshqarish organlari faoliyatini muvofiqlashtirish bo‘yicha Respublika Kengashi raisining keksalar va faxriylar ishlari bo‘yicha o‘rinbosari lavozimiga tayinlangan. Bugun, 11-may kuni u yangi jamoasiga tanishtirilgan.
Eslatib o‘tamiz, Botir Parpiyev 2004-yildan buyon Davlat soliq qo‘mitasi raisi lavozimida ishlab kelgan.