TOShKENT, 10-may — Sputnik. Tojikiston fuqarosi ijtimoiy tarmoqlarda "boshqacha fikrlaydigan"larni qo‘llab-quvvatlab layk bosgani uchun 10-yilni qamoqda o‘tkazadigan bo‘ldi, deb xabar qildi Sputnik Tojikiston.
"Xatlon viloyati Vaxsh tumani yashovchisi Alijon Sharipov ijtimoiy tarmoqlarda rasmiy Dushanbe tomonidan taqiqlangan Tojikiston islom uyg‘onish partiyasi yetakchisi Muhiddin Kabiriy va mamlakat sobiq Mudofaa vaziri Abduxalim Nazarzodalarning chiqishlari aks ettirilgan videosujetlarga "Like" va "Klass" tugmalarini bosgani uchun yaqin 9,5 yilni panjara ortida o‘tkazadi", — deyiladi xabarda.
Sharipov 3-yanvar kuni o‘z tug‘ilgan joyi — Vaxsh tumanidagi Mexrobod qishlog‘ida qo‘lga olingan. So‘roq vaqtida u Kabiriy va Nazarzodalarning videolarini ko‘pincha tomosha qilib borganini, ammo bu qonunga zidligi haqida, hatto, shubha qilmaganligini aytib o‘tgan.