TOShKENT, 9 apr — Sputnik. O‘zbekiston qurolli kuchlarni modernizatsiya qilish sohasida AQSh bilan harbiy-texnik hamkorlikni davom ettiradi, mamlakat prezidenti Shavkat Mirziyoyevning tegishli qarori milliy qonunchilik bazasida dushanba kuni e’lon qilindi. RIA Novosti xabari asosida.
Mirziyoyev O‘zbekistonning asosiy xorijiy hamkorlari bilan tashqi siyosiy va tashqi iytisodiy hamkorlikni rivojlantirish bo‘yicha o‘rta muddatga belgilangan ustuvor yo‘nalishlarni tasdiqlagan.
Hujjatga muvofiq, O‘zbekiston fan va texnika, iqtisodiyotni modernizatsiya qilish masalalarida AQSh bilan aloqalarni faollashtirishni rejalashtirmoqda. Respublika shuningdek YeIda hamkorlik va sheriklik bo‘yicha kengaytirilgan bitimni tuzish, xorijiy investitsiyalar bo‘yicha o‘zbek-yevropa kengashini tashkil qilishni rejalashtirmoqda, deyilgan hujjat matnida.
"O‘zbekiston Yevropa Ittifoqi bilan, Yevropaning old davlatlari bilan, xususan, Germaniya, Italiya, Fransiya va Buyuk Britaniya bilan, shuningdek Markaziy va Sharqiy Yevropa davlatlari bilan hamkorlikni chuqurlashtirish va kengaytirishdan manfaatdor", — deb ta’kidlangan qarorda.
Mirziyoyev 2017-yilning sentabrida BMT Bosh Assambleyasining 72-sessiyasida ishtiroki doirasida Nyu-Yorkda amerika kompaniyalari vakillari bilan bir qator uchrashuvlar o‘tkazdi va ikkitomonlama biznes-forumda ishtirok etdi. Forum yakuni bo‘yicha AQSh kompaniyalari bilan nefte-gaz, neft-kimyo, mashinasozlik, elektrotexnika sanoati va fuqarolik aviatsiyasi sohalarida umumiy hajmi 2,6 milliard dollarlik shartnomalar imzolandi. O‘zbekiston tomon ma’lumotlariga ko‘ra, amerika kompaniyalarining respublika iqtisodiyotiga kiritgan sarmoyalari miqdori 600 million dollarni tashkil etgan. O‘zbekistonda AQSh kompaniyalari ishtirokida 160dan ziyod korxonalar o‘z faoliyatini olib bormoqda.