Samarqanddagi dahshatli avariya: sakkiz kishi halok bo‘ldi, uch nafari jarohatlandi

10:36, 9-Aprel 2018
CC0 / Pixabay / Hans /
Dahshatli avariya oqibatida 3 kishi hodisa joyida vafot etgan bo‘lsalar, besh kishi jarohat olib kasalxonaga keltirilganida vafot etgan
Sputnik

TOShKENT, 9 apr — Sputnik. Yo‘l qoidasi buzilishi sakkiz nafar shaxsning o‘limiga va uch nafar shaxsning tan jarohati olishiga sabab bo‘ldi, deb xabar qildi O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Dahshatli YTHdan so‘ng: onasi va bir oyog‘idan judo bo‘lgan qizaloq qanday yashayapti?
6 Aprel 2018, 20:23
Hodisa Samarqand viloyatining Payariq tumanida 7-aprel kuni sodir bo‘lgan.  "Zarafshon o‘ng sohili" 4R-48 yo‘lining 43-kilometrida "Kobalt" rususmli avtomobil qarama-qarshi yo‘nalishda harakatlanib kelayotgan "Neksiya" bilan to‘qnashib ketgan.

Natijada "Kobalt" avtomashinasi haydovchisi O.Kamolov va uning 2 nafar yo‘lovchilari, jarohat olib voqea joyida vafot etgan. "Neksiya" avtomashinasi haydovchisi S.Sunnatov va uning 4 nafar yo‘lovchilari, jarohat olib kasalxonaga keltirilganlarida vafot etganlar.

Shuningdek, "Kobalt" avtomashinasining yana 3 nafar yo‘lovchilari jarohatlar bilan kasalxonaga yotqizilgan.

Bu o‘tgan haftada sodir etilgan va ko‘plab insonlar hayotiga nuqta qo‘ygan ikkinchi dahshatli avariyadir. O‘tgan haftada Jizzax viloyatida avtomobillar katta tezlikda kelib to‘qnashishi oqibatida sakkiz kishi halok bo‘lgan edi.

Hodisalar