TOShKENT, 8 apr — Sputnik. O‘zbekiston Tojikistonga tabiiy gaz yetkazib berishni boshladi, deb xabar qilmoqda "Uzbekistan 24" telekanali.
Qo‘shni mamlakatga gaz yetkazib berish haqidagi shartnoma Shavkat Mirziyoyevning Tojikistonga bo‘lgan safari vaqtida imzolangan edi.
Shartnomaimzolanganidan so‘ng gaz yetkazib berish tizimi juda qisqa vaqt ichida qayta tiklandi. Dastlabki bosqichda gaz qo‘shni mamlakatning chegara oldi hududlari hamda yirik sanoat korxonalariga yetkazib beriladi.
Eslatib o‘tamiz, Tojikistonga gaz yetkazib berish 2012-yilda to‘xtatib qo‘yilgan edi. "Tojiktransgaz" va "O‘ztransgaz" kompaniyalari orasida imzolangan shartnomaga ko‘ra, 2018-yilda Tojikistonga 15,1 mln dollar eavaziga 126 mln metr kub gaz yetkazib beriladi. Tabiiy gaz o‘tkazish quvvati soatiga 125 ming metr kub bo‘lgan "Muzrabod — Dushanbe" quvuri orqali yetkazib beriladi.