TOShKENT, 3 apr — Sputnik. Tojikiston kuni kecha, 2-aprelda 10-yillik tanaffusdan so‘ng Regar (Tojikiston) nimstansiyasidan O‘zbekistonga elektr energiyasini eksport qilishni boshladi, deb xabar qildi Sputnik Tojikiston Tojikiston telegraf agentligiga tayangan holda.
Ushbu jarayon mahalliy vaqt bilan soat 17:05 da 220 kV liniyasi bo‘yicha boshlandi. Xabarlarga ko‘ra, boshlang‘ich bosqichda sutkalik eksport miqdori 672 ming kVt/s ni tashkil qiladi. Keyinchalik eksport hajmi ko‘paytiriladi.
Joriy yilda Tojikiston O‘zbekistonga 1,5 milliard kVt/s elektr energiya eksport qilish rejalashtirilgan. Tojikiston elektr energiyasi har bir kilovattning narxi — 2 sent.
Shuningdek, hozirgi vaqtda Tojikistondan O‘zbekistonga elektr energiyani yetkazish hajmini ko‘paytirish maqsadida 220 kV quvvatli ikkinchi elektr uzatish liniyasi tayyorlanmoqda.
Tojikistonda har bir sutkada 37 million kVt/s elektr energiya ishlab chiqariladi. Ulardan 284 ming kVt/s Afg‘onistonga eksport qilinadi. Bir kVt/s narxi 4 sentdan ko‘p. Tojikiston shu yilda Afg‘onistonga elektr energiyani eksport hajmini 200 million kVt/s ga ko‘paytirish rejalashtirilgan.