TOShKENT, 10 mar — Sputnik. O‘zbekistonda 11-martdan 13-martgacha sel kelishi xavfi mavjud. Bu haqda O‘zbekiston FVV Favqulodda vaziyatlarda boshqaruv markazi xabar qildi.
"O‘zbekiston Respublikasining tog‘ va tog‘oldi hududlarida 2018-yilning 11-mart kunidan 13-mart kunigacha sel kelish xavfi mavjud", — deyiladi xabarda.
FVV aholidan ehtiyot choralarni ko‘rishni hamda turli noxush holatlar vujudga kelganda FVV tezkor raqamiga murojaat qilishni so‘ramoqda.
Eslatib o‘tamiz, 27-fevral kuni Buxoro, Samarqand, Navoiy, Toshkent viloyatlari hamda Toshkent shahrida kuzatilgan kuchli shamol va yomg‘ir oqibatida binolarning alohida qismlarini suv bosgandi.