TOShKENT, 15 fev — Sputnik. Rossiyalik ekspert Vladimir Jarixin fikriga ko‘ra, Tojikiston, Qirg‘iziston, O‘zbekiston va Qozog‘iston rahbarlarining o‘zaro tashriflari normal, kutilgan holatdir.
"Meni hozir ro‘y berayotgan voqealar emas, avvalgilari ko‘proq taajjublantiradi. Ilgarilari mojarolar "xo‘l joyda", ya’ni suv resurslari atrofida ro‘y berardi. Haqiqatda esa bu muammolarni faqatgina kelishuv yo‘li bilan hal etish mumkin, shukrki hozir shunday bo‘lmoqda", — deya izohladi Vladimir Jarixin "Rossiya segodnya" xalqaro axborot agentligi matbuot-markazida tashkil etilgan doira suhbati davomida.
Jarixinning so‘zlariga ko‘ra, ushbu birlashuv bir yo‘la bir nechta muammolarni hal etishga yordam beradi, va bu nafaqat Markaziy Osiyo davlatlariga ijobiy ta’sir qiladi, balki Rossiya ham bundan naf ko‘radi.
Xususan, Rossiya bilan birgalikda MDHning oli hududlarida antiterroristik xavfsizlikni ta’minlash mumkin.
Eng asosiysi esa, hozirgi holat ulkan ijtimoiy barqarorlikni yuzaga keltirishga asos bo‘lib xizmat qiladi, demakki kelajakda mamlakatlarga chet eldan keladigan migrantlar jo‘natmalariga emas, o‘zi ega iqtisodiy salohiyatga tayanish imkonini yaratadi.