TOShKENT, 7 fev — Sputnik. Toshkent shahar IIBBga maktab internati hududida bomba borligi haqida xabar kelib tushdi, deb xabar qildi Sputnik muxbiri.
"Kecha, 5-fevral kuni soat 18:18 larda Toshkent shahrining Yashnobod tumanida yashovchi L.Kucherenko mast holda 103-sonli aqli zaiflar maktab-internatida o‘qiyotgan o‘g‘li I.V.ni uyiga olib ketgani kelganida internat rahbariyati mast holda bo‘lgani uchun olib ketishiga ruxsat bermagan. Kucherenko Toshkent shahar IIBBning 102 xizmatiga qo‘ng‘iroq qilib, yuqoridagi maktab internati hududida bomba bor, deb yolg‘on xabar bergan", — deb ta’kidlashdi IIBBda.
Mazkur xabar yuzasidan voqea joyiga huquqni himoya qiluvchi boshqa idora xodimlari yetib kelib, maktab-internat hududini tekshirganlarida xech qanday portlovchi moddalar va shubhali buyumlar topilmagan.
Ko‘rilgan choralar natijasida yolg‘on xabar bergan L.Kucherenko ushlangan. Surishtiruv ishlari olib borilmoqda.