TOShKENT, 24 yanv — Sputnik. O‘zbekiston prezidenti Shavkat Mirziyoyev Farmoni bilan qabul qilingan "Faol tadbirkorlik, innovatsion g‘oyalar va texnologiyalarni qo‘llab-quvvatlash yili" Davlat dasturiga muvofiq Tashqi mehnat migratsiyasini tartibga solish va tubdan takomillashtirish choralarini ko‘rish belgilangan.
Loyihada: rivojlangan davlatlar bilan hamkorlikda mehnat migratsiyasi geografiyasini kengaytirish;
xorijiy davlatlar bilan uzoq va o‘rta muddatli tegishli bitimlar tuzish;
O‘zbekiston Respublikasi fuqarolarining chet elda mehnat faoliyatini amalga oshirish uchun ruxsatnoma berish tartibini bekor qilish;
Tashqi mehnat migratsiyasi agentligining faoliyatini tubdan qayta ko‘rib chiqish;
O‘zbekiston Respublikasining xorijiy davlatlardagi elchixonalari va konsullik xizmatlarining xorijda ishlayotgan fuqarolarimiz bilan doimiy aloqada bo‘lishining zamonaviy shakllarini joriy etish nazarda tutiladi.