TOShKENT, 19 yanv — Sputnik. O‘zbekiston fuqarolari halok bo‘lishi munosabati bilan Rossiya Federatsiyasi Favqulodda vaziyatlar vaziri hamdardlik bildirdi, deb xabar qilmoqda O‘zbekiston FVV matbuot-xizmati.
"Rossiya Federatsiyasi Favqulodda vaziyatlar vaziri — Vladimir Puchkov, Qozog‘iston Respublikasi hududidan o‘tuvchi "Samara-Chimkent" avtoyo‘lida yo‘lovchi avtobusida yong‘in sodir bo‘lishi natijasida O‘zbekiston Respublikasi fuqarolarining halok bo‘lganligi munosabati bilan Rossiya Favqulodda vaziyatlar vazirligi nomidan chuqur hamdardlik bildirdi.
Rossiya Federatsiyasi Favqulodda vaziyatlar vazirining bergan axborotida — "Biz dardingizga hamdardmiz, halok bo‘lgan va jabrlangan fuqarolarning oila a’zolari bilan birga qayg‘udamiz" deb bayon qildi", — deyiladi xabarda.
O‘zbekistonga butun dunyodan hamdardlik bildirilgan telegrammalar kelishi davom etmoqda.