TOShKENT, 5 yanv — Sputnik. O‘zbekiston prezidenti Yangiyo‘l shahrida 7 qavatli 12 ta yangi ko‘p qavatli uy-joy, zamonaviy bog‘, bozor, supermarket, ko‘prik qurish bo‘yicha mutassaddilarga topshiriq berdi, deb xabar qildi prezident matbuot xizmati.
Prezidentga Yangiyo‘l shahrining Bosh rejasi loyihasi, shahardagi ko‘p qavatli uy-joylarni ta’mirlash dasturi hamda xususiy uy-joy mulkdorlari shirkatlari faoliyatini zamonaviy texnologiyalar asosida takomillashtirish to‘g‘risida ma’lumot berildi.
Bugungi kunda Yangiyo‘l shahrida 86 ming 800 aholi istiqomat qiladi. 241 ta ko‘p qavatli uylar bo‘lib, ularga xususiy uy-joy mulkdorlari shirkatlari xizmat ko‘rsatadi.
Bundan avval prezident Zangiota tumanidagi "Highway Logistics" logistika markazi ish faoliyati bilan tanishdi.