Rossiya O‘zbekistonning beshta hududida kartoshkaning yangi navlarini sinashni taklif qildi

© SputnikKrugliy stol "Dialog po seleksii i semenovodstvu" v Tashkente
Krugliy stol Dialog po seleksii i semenovodstvu v Tashkente - Sputnik O‘zbekiston, 1920, 18.11.2026
Obuna bo‘lish
Rossiyalik seleksionerlar O‘zbekiston iqlimiga mos yangi kartoshka navlarini sinash va urug‘chilik sohasida hamkorlik qilishga tayyor.
TOShKENT, 18 noya — Sputnik. Rossiyaning Lorx nomidagi kartoshkachilik federal tadqiqot markazi O‘zbekistonning beshta hududida kartoshkaning yangi navlarini sinovdan o‘tkazishni taklif qildi. Bu haqda Toshkentda o‘tayotgan "Seleksiya va urug‘chilik bo‘yicha muloqot" davra suhbatida ma’lum qilindi, deb xabar bermoqda Sputnik O‘zbekiston muxbiri.
"Biz aynan sizning iqlimingiz nuqtayi nazaridan qiziqarli bo‘lgan yangi istiqbolli navlarimizni birgalikda sinovdan o‘tkazish uchun taqdim etishga tayyormiz", — dedi markazning yetakchi seleksioneri Aleksey Mitushkin.
Uning ta’kidlashicha, Rossiya tomoni qo‘shma seleksiya ishlarini olib borish, genetik materiallar va urug‘chilik sohasida tajriba almashishdan ham manfaatdor.
Shuningdek, tadbirda Rossiya nav sinash davlat komissiyasi O‘zbekiston qishloq xo‘jaligi ekinlari navlarini sinash markaziga bug‘doy va kartoshkaning yangi navlari bo‘yicha uslubiy qo‘llanmalarni taqdim etdi.
"Buni hamkorlikka qo‘shilgan birinchi hissa deb hisoblaymiz", — dedi Rossiya nav sinash davlat komissiyasi raisi Dmitriy Batusov nashrlarni topshirish chog‘ida.
U Rossiya tomoni navlarni sinovdan o‘tkazish va mutaxassislar tayyorlash sohalarida ham o‘zbekistonlik hamkasblari bilan tajriba almashishga tayyorligini bildirdi.
Mazkur takliflar Rossiya "Agroeksport" markazi tomonidan Toshkentda tashkil etilgan ishbilarmonlik missiyasi doirasida muhokama qilindi.
XIII Forum-vistavka Goszakaz – za chestnie zakupki - Sputnik O‘zbekiston, 1920, 18.11.2026
Rossiyadan O‘zbekistonga agromahsulotlar eksporti 1,6 barobarga oshdi
Yangiliklar lentasi
0