Folbinlardan "motivatorlar"gacha: Qozog‘iston internet nazoratini kuchaytirmoqchi

CC0 / rawpixel.com / Stress na rabote.
Stress na rabote. - Sputnik O‘zbekiston, 1920, 18.11.2026
Obuna bo‘lish
Qozog‘istonda 16 yoshgacha bo‘lgan bolalarning ijtimoiy tarmoqlarda ro‘yxatdan o‘tishini taqiqlash, folbinlar va "motivatorlar"ga yangi talablar qo‘yish taklif etilmoqda.
TOShKENT, 18 noya — Sputnik. Qozog‘istonda folbinlar, onlayn-kouchlar va ijtimoiy tarmoq foydalanuvchilariga yangi talablar joriy etish rejalashtirilmoqda. Tegishli qonun loyihalari parlamentda birinchi o‘qishda ma’qullandi, deb xabar bermoqda Sputnik Qozog‘iston.
Yangi qoidalarga ko‘ra, folbinlar, bashoratchilar va sehrgarlik xizmatlarini taklif qiluvchilar o‘z kontentida bunday xizmatlar ko‘ngilochar xususiyatga ega ekani, ilmiy yoki amaliy jihatdan tasdiqlanmaganini ko‘rsatishi shart bo‘ladi.
"Motivatorlar", ya’ni onlayn-kouchlar va ta’lim kurslari mualliflari esa o‘z malakasini tasdiqlovchi diplom yoki sertifikat haqidagi ma’lumotlarni e’lon qilishi kerak
Qonun loyihalarida internetdagi anonim akkauntlar ustidan nazoratni kuchaytirish ham nazarda tutilgan. Jumladan, 5 mingdan ortiq obunachisi bo‘lgan anonim foydalanuvchilar va ommaviy sahifalarni identifikatsiya qilish hamda ularning reyestrini yuritish taklif etilmoqda.
Madaniyat va axborot vaziri Arman Qiriqboyevning ma’lum qilishicha, 2026-yilning dastlabki o‘n oyida internet platformalarida qonunga zid 128,5 mingta material aniqlangan. Ularning qariyb 70 foizi o‘chirilgan.
Shu bois onlayn platformalarni Qozog‘istonda rasmiy vakolatxona ochishga majburlash, qonunga zid materiallarni o‘chirish bo‘yicha talablarni bajarmaganlik uchun javobgarlik belgilash rejalashtirilmoqda.
Bundan tashqari, fuqarolarning suratlarini ularning roziligisiz qonunga xilof ravishda e’lon qilganlik uchun jarimalar joriy etish taklif qilingan. Jarima miqdori jismoniy shaxslar uchun taxminan 290 dollar, tashkilotlar uchun esa 580 dollardan 1950 dollargacha bo‘lishi mumkin.
Yana bir o‘zgarish 16 yoshga to‘lmagan bolalarning ijtimoiy tarmoqlarda ro‘yxatdan o‘tishini taqiqlashni nazarda tutadi.
Hozircha ushbu talablar qonun loyihasi bosqichida. Ular kuchga kirishi uchun parlamentdagi keyingi qonunchilik jarayonlaridan o‘tishi kerak.
Ekran smartfona  - Sputnik O‘zbekiston, 1920, 26.08.2026
Qozog‘istonda 16 yoshgacha bo‘lgan bolalarga ijtimoiy tarmoqlar taqiqlanishi mumkin
Yangiliklar lentasi
0