https://oz.sputniknews.uz/20260824/kredit-cbu-tizim-59938460.html
Mijoz ariza beradi, banklar kredit berish uchun raqobatlashadi — MB yangi tizim yaratdi
Mijoz ariza beradi, banklar kredit berish uchun raqobatlashadi — MB yangi tizim yaratdi
Sputnik O‘zbekiston
Yangi platformada sun’iy intellekt mijozni baholaydi, tijorat banklari esa unga kredit taklif qilish uchun o‘zaro raqobatlashadi. 24.08.2026, Sputnik O‘zbekiston
2026-08-24T17:58+0500
2026-08-24T17:58+0500
2026-08-24T17:58+0500
markaziy bank
kredit
uzcard
sun’iy intellekt
kriptovalyuta
forum
iqtisod
o‘zbekiston
https://cdn1.img.sputniknews.uz/img/07ea/08/18/59938199_532:219:2560:1360_1920x0_80_0_0_42b907997b6b48020644cfb0255f293f.jpg
TOShKENT, 24 avg — Sputnik. Markaziy bank sun’iy intellekt asosidagi skoringdan foydalanadigan kredit platformasini yaratdi. Qarz oluvchi unga ariza yuboradi, tijorat banklari esa kredit taklif qilish uchun o‘zaro raqobatlashadi.Bu haqda Toshkentdagi "Silk Road Finance & Technology Forum" doirasida O‘zbekiston prezidenti administratsiyasining Moliyaviy texnologiyalar, raqamlashtirish va sun’iy intellekt departamenti rahbari Bobur Xo‘jayev ma’lum qildi, deb xabar bermoqda Sputnik O‘zbekiston muxbiri.Xo‘jayevning ta’kidlashicha, xususiy kapital muhim o‘rin tutsa-da, hukumat va Markaziy bank ham yangi moliyaviy texnologiyalarni rivojlantirishda faol ishtirok etmoqda. U bunga Markaziy bank tomonidan tashkil etilgan va keyinchalik xususiylashtirilgan Humo to‘lov tizimini misol qilib keltirdi.Xo‘jayevning aytishicha, O‘zbekistonda 2030-yilgacha fintex (moliyaviy xizmatlarni zamonaviy texnologiyalar asosida yaratish va taqdim etish sohasi) startaplari sonini ikki baravar oshirish va sohaga 1 milliard dollar sarmoya jalb etish rejalashtirilgan.Uning fikricha, bu maqsadlarga erishish mumkin, chunki o‘tgan yilning o‘zida O‘zbekiston fintex startaplariga 200 million dollardan ortiq venchur sarmoya kiritilgan.U O‘zbekistonda jonli va innovatsion fintex ekotizimi shakllanganini ta’kidladi. O‘tgan yili katta yoshli aholining 70 foizdan ortig‘i raqamli to‘lovlardan foydalangan.Mamlakatda "Uzcard" va "Humo" to‘lov tizimlari o‘z tarmoqlari atrofida alohida fintex ekotizimlarini rivojlantirmoqda.
https://oz.sputniknews.uz/20260519/uzbekistan-blokcheyn-57694787.html
o‘zbekiston
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
markaziy bank, kredit, uzcard, sun’iy intellekt, kriptovalyuta, forum, iqtisod, o‘zbekiston
markaziy bank, kredit, uzcard, sun’iy intellekt, kriptovalyuta, forum, iqtisod, o‘zbekiston
Mijoz ariza beradi, banklar kredit berish uchun raqobatlashadi — MB yangi tizim yaratdi
Yangi platformada sun’iy intellekt mijozni baholaydi, tijorat banklari esa unga kredit taklif qilish uchun o‘zaro raqobatlashadi.
TOShKENT, 24 avg — Sputnik. Markaziy bank sun’iy intellekt asosidagi skoringdan foydalanadigan kredit platformasini yaratdi. Qarz oluvchi unga ariza yuboradi, tijorat banklari esa kredit taklif qilish uchun o‘zaro raqobatlashadi.
Bu haqda Toshkentdagi "Silk Road Finance & Technology Forum" doirasida O‘zbekiston prezidenti administratsiyasining Moliyaviy texnologiyalar, raqamlashtirish va sun’iy intellekt departamenti rahbari Bobur Xo‘jayev ma’lum qildi, deb xabar bermoqda
Sputnik O‘zbekiston muxbiri.
"O‘ylaymanki, platforma ishga tushib, muvaffaqiyatli faoliyat yurita boshlagach, u xususiylashtiriladi", — dedi u.
Xo‘jayevning ta’kidlashicha, xususiy kapital muhim o‘rin tutsa-da, hukumat va Markaziy bank ham yangi moliyaviy texnologiyalarni rivojlantirishda faol ishtirok etmoqda. U bunga Markaziy bank tomonidan tashkil etilgan va keyinchalik xususiylashtirilgan Humo to‘lov tizimini misol qilib keltirdi.
"Aslida, biz xususiy moliyalashtirishni safarbar qiladigan yangi platformalar va kompaniyalar yaratmoqdamiz", — dedi Xo‘jayev.
Xo‘jayevning aytishicha, O‘zbekistonda 2030-yilgacha fintex (moliyaviy xizmatlarni zamonaviy texnologiyalar asosida yaratish va taqdim etish sohasi) startaplari sonini ikki baravar oshirish va sohaga 1 milliard dollar sarmoya jalb etish rejalashtirilgan.
Uning fikricha, bu maqsadlarga erishish mumkin, chunki o‘tgan yilning o‘zida O‘zbekiston fintex startaplariga 200 million dollardan ortiq venchur sarmoya kiritilgan.
"Jozibador sarmoyaviy muhitni ta’minlash va regulyatorimiz bilan birga tartibga solish tizimini takomillashtirish orqali fintech kompaniyalarining ehtiyojlariga mos qoidalarni joriy etamiz. O‘ylaymanki, bularning barchasi O‘zbekistonda fintex ekotizimi uchun yanada qulay muhit yaratadi", — dedi Xo‘jayev.
U O‘zbekistonda jonli va innovatsion fintex ekotizimi shakllanganini ta’kidladi. O‘tgan yili katta yoshli aholining 70 foizdan ortig‘i raqamli to‘lovlardan foydalangan.
Mamlakatda "Uzcard" va "Humo" to‘lov tizimlari o‘z tarmoqlari atrofida alohida fintex ekotizimlarini rivojlantirmoqda.
"Uzcard" sun’iy intellekt, kredit skoringi, firibgarlikka qarshi tizimlar va maslahat xizmatlariga e’tibor qaratib, tijorat banklari bilan hamkorlik qilmoqda. "Humo" esa kriptovalyuta yo‘nalishida faoliyat yuritib, tokenlar chiqargan va O‘zbekistondagi dastlabki steyblkoinlarni yaratish ustida ishlamoqda.
