https://oz.sputniknews.uz/20260629/putin-ukraine-taklif-58658504.html
Kiyev rejimini qutqarish rejamiz yo‘q: Putin Ukraina taklifi haqida
Kiyev rejimini qutqarish rejamiz yo‘q: Putin Ukraina taklifi haqida
Sputnik O‘zbekiston
Rossiya prezidenti Vladimir Putin Ukraina bo‘yicha muzokaraviy aloqalar, yangi takliflar, hudud ichkarisiga zarbalarni to‘xtatish g‘oyasi, Ankoridj uchrashuvi va Minsk maydoni haqida gapirdi.
2026-06-29T11:18+0500
2026-06-29T11:18+0500
2026-06-29T11:18+0500
rossiyaning donbassdagi maxsus harbiy operatsiyasi
vladimir putin
dunyo yangiliklari
dunyoda
muzokaralar
ukraina
rossiya
kiyev
https://cdn1.img.sputniknews.uz/img/07e9/02/17/48092970_0:0:3086:1736_1920x0_80_0_0_f816d214ec454bb124e0832e986367be.jpg
TOShKENT, 29-iyun — Sputnik. Rossiya prezidenti Vladimir Putin Ukraina bo‘yicha muzokaraviy aloqalar mavjudligini va ular bir nechta yo‘nalish bo‘yicha yo‘lga qo‘yilganini ma’lum qildi. Bu haqda u “Vesti” telekanali jurnalisti Pavel Zarubinga bergan intervyusida aytdi.Putinning so‘zlariga ko‘ra, Moskva Ukraina tomonidan kelayotgan har bir taklifga e’tibor bilan qaraydi.Uning aytishicha, yangi takliflar orasida ikki tomonning hudud ichkarisiga zarbalarni to‘xtatishi haqidagi tashabbus ham bor. Putin bunday taklif nima uchun ilgari surilayotgani tushunarli ekanini aytib, Rossiyaning Ukraina hududi ichkarisiga javob zarbalari “ancha kuchli va sezilarli” ekanini ta’kidladi.Rossiya prezidenti yana bir taklif sifatida jangovar harakatlarni faqat to‘rt hudud — DXR, LXR, Xerson va Zaporojye viloyatlari bilan cheklash g‘oyasini tilga oldi.Putinning fikricha, agar Rossiya bunday taklifga rozi bo‘lsa, Ukraina Qurolli Kuchlari Nikolayev, Dnepropetrovsk, Xarkov va Sumi viloyatlaridan, shuningdek, davlat chegarasining ayrim uchastkalaridan qo‘shinlarni olib, ularni yuqoridagi to‘rt hududga qayta joylashtirish imkoniga ega bo‘ladi.Rossiya prezidenti Ukraina tomonining Rossiya infratuzilmasiga zarbalari haqida ham gapirdi. Uning so‘zlariga ko‘ra, zarar bor, ammo shikastlangan obyektlar tez tiklanmoqda va vaziyat “kritik tus olmayapti”. Putin bu zarbalar frontdagi vaziyatga ta’sir qilmayotganini ta’kidladi.Shuningdek, u Rossiyaning Sumi shahri va umuman Sumi viloyatiga nisbatan “siyosiy rejalari” yo‘qligini bildirdi. Putinning aytishicha, bu yo‘nalishdagi qarorlar Rossiya Mudofaa vazirligi va Bosh shtab takliflariga qarab qabul qilinadi.Rossiya prezidenti G‘arb davlatlarining pozitsiyasiga ham to‘xtaldi. Uning so‘zlariga ko‘ra, Rossiyaga “strategik mag‘lubiyat” yetkazish g‘oyasi G‘arb kun tartibidan rasman olib tashlanmagan.Putin AQSh prezidenti Donald Tramp bilan Ankorijda bo‘lib o‘tgan uchrashuvga ham izoh berdi. Uning so‘zlariga ko‘ra, u yerda hech qanday kelishuv imzolanmagan, ammo Ukraina mojarosini yakunlash imkoniyatlari muhokama qilingan.Rossiya prezidenti amerikalik muzokarachilar tomonidan ilgari surilgan o‘zaro yon berish variantlari ko‘rib chiqilganini aytdi. Uning ta’kidlashicha, Rossiya bu takliflarni o‘ylab ko‘rgan va Ankorijda ularni muhokama qilishga tayyorligini bildirgan.Putin AQSh ma’muriyati vakillari bilan muloqot davom etishi mumkinligini ham qayd etdi. Uning so‘zlariga ko‘ra, Moskva AQSh tomoni bilan avval ham bir necha bor uchrashgan va muzokaralarni davom ettirishga tayyor.Shuningdek, Putin Minsk maydoni haqida ham gapirdi. Rossiya prezidenti avvalroq G‘arb Minsk kelishuvlaridan voz kechganidan so‘ng Rossiya Donbass aholisini himoya qilish va maxsus harbiy operatsiya boshlashga majbur bo‘lganini ta’kidlagan edi.
https://oz.sputniknews.uz/20260615/putin-tramp-58336750.html
ukraina
kiyev
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
vladimir putin, dunyo yangiliklari, dunyoda, muzokaralar, ukraina, rossiya, kiyev
vladimir putin, dunyo yangiliklari, dunyoda, muzokaralar, ukraina, rossiya, kiyev
Kiyev rejimini qutqarish rejamiz yo‘q: Putin Ukraina taklifi haqida
Putinning so‘zlariga ko‘ra, Rossiya Ukraina bo‘yicha har bir taklifni ko‘rib chiqmoqda, ammo Kiyev rejimini “qutqarish” Moskva rejalariga kirmaydi.
TOShKENT, 29-iyun — Sputnik. Rossiya prezidenti Vladimir Putin Ukraina bo‘yicha muzokaraviy aloqalar mavjudligini va ular bir nechta yo‘nalish bo‘yicha yo‘lga qo‘yilganini ma’lum qildi. Bu haqda u “Vesti” telekanali jurnalisti Pavel Zarubinga bergan intervyusida aytdi.
Putinning so‘zlariga ko‘ra, Moskva Ukraina tomonidan kelayotgan har bir taklifga e’tibor bilan qaraydi.
“Biz u tomondan kelayotgan har bir taklifga e’tibor bilan qaraymiz, buni hech qanday kinoyasiz aytapman”, — dedi Rossiya prezidenti.
Uning aytishicha, yangi takliflar orasida ikki tomonning hudud ichkarisiga zarbalarni to‘xtatishi haqidagi tashabbus ham bor. Putin bunday taklif nima uchun ilgari surilayotgani tushunarli ekanini aytib, Rossiyaning Ukraina hududi ichkarisiga javob zarbalari “ancha kuchli va sezilarli” ekanini ta’kidladi.
Rossiya prezidenti yana bir taklif sifatida jangovar harakatlarni faqat to‘rt hudud — DXR, LXR, Xerson va Zaporojye viloyatlari bilan cheklash g‘oyasini tilga oldi.
Putinning fikricha, agar Rossiya bunday taklifga rozi bo‘lsa, Ukraina Qurolli Kuchlari Nikolayev, Dnepropetrovsk, Xarkov va Sumi viloyatlaridan, shuningdek, davlat chegarasining ayrim uchastkalaridan qo‘shinlarni olib, ularni yuqoridagi to‘rt hududga qayta joylashtirish imkoniga ega bo‘ladi.
“Ukraina Qurolli kuchlarida shaxsiy tarkib tanqisligi halokatli darajada ekanini hisobga olganda, ular buni o‘zlari uchun qutulish yo‘li deb o‘ylayotgan bo‘lishi mumkin. Ammo Kiyev rejimini qutqarish bizning rejalarimizga kirmaydi”, — dedi Putin.
Rossiya prezidenti Ukraina tomonining Rossiya infratuzilmasiga zarbalari haqida ham gapirdi. Uning so‘zlariga ko‘ra, zarar bor, ammo shikastlangan obyektlar tez tiklanmoqda va vaziyat “kritik tus olmayapti”. Putin bu zarbalar frontdagi vaziyatga ta’sir qilmayotganini ta’kidladi.
Shuningdek, u Rossiyaning Sumi shahri va umuman Sumi viloyatiga nisbatan “siyosiy rejalari” yo‘qligini bildirdi. Putinning aytishicha, bu yo‘nalishdagi qarorlar Rossiya Mudofaa vazirligi va Bosh shtab takliflariga qarab qabul qilinadi.
Rossiya prezidenti G‘arb davlatlarining pozitsiyasiga ham to‘xtaldi. Uning so‘zlariga ko‘ra, Rossiyaga “strategik mag‘lubiyat” yetkazish g‘oyasi G‘arb kun tartibidan rasman olib tashlanmagan.
Putin agar Ukraina haqiqatan ham “g‘alaba qilayotgan” bo‘lsa, G‘arb yetakchilari shunchaki kutishi mumkinligini, Rossiya qo‘shinlari esa maxsus harbiy operatsiya maqsadlariga erishish uchun o‘z vazifasini bajarishda davom etishini aytdi.
Putin AQSh prezidenti Donald Tramp bilan Ankorijda bo‘lib o‘tgan uchrashuvga ham izoh berdi. Uning so‘zlariga ko‘ra, u yerda hech qanday kelishuv imzolanmagan, ammo Ukraina mojarosini yakunlash imkoniyatlari muhokama qilingan.
Rossiya prezidenti amerikalik muzokarachilar tomonidan ilgari surilgan o‘zaro yon berish variantlari ko‘rib chiqilganini aytdi. Uning ta’kidlashicha, Rossiya bu takliflarni o‘ylab ko‘rgan va Ankorijda ularni muhokama qilishga tayyorligini bildirgan.
Putin AQSh ma’muriyati vakillari bilan muloqot davom etishi mumkinligini ham qayd etdi. Uning so‘zlariga ko‘ra, Moskva AQSh tomoni bilan avval ham bir necha bor uchrashgan va muzokaralarni davom ettirishga tayyor.
Shuningdek, Putin Minsk maydoni haqida ham gapirdi.
“Afsuski, biz endi buni aniq bilamiz: na Ukraina tomoni, na muzokaralarning g‘arblik ishtirokchilari bu kelishuvlarni bajarmoqchi edi. Ammo bu boshqa masala”, — dedi Putin.
Rossiya prezidenti avvalroq G‘arb Minsk kelishuvlaridan voz kechganidan so‘ng Rossiya Donbass aholisini himoya qilish va maxsus harbiy operatsiya boshlashga majbur bo‘lganini ta’kidlagan edi.
