https://oz.sputniknews.uz/20260526/cis-jangarilar-oz-mamlakatlar-faollashtirilish-57873309.html
Bortnikov: MDHdan chiqqan jangarilar o‘z mamlakatlarida faollashtirilishi mumkin
Bortnikov: MDHdan chiqqan jangarilar o‘z mamlakatlarida faollashtirilishi mumkin
Sputnik O‘zbekiston
Aleksandr Bortnikovga ko‘ra, Suriya va Iroqdagi lagerlardagi jangarilardan keyinchalik ular kelib chiqqan mamlakatlarda ham foydalanilishi mumkin. U MDH chegaralaridagi xavflar ortib borayotganini ta’kidladi.
2026-05-26T14:11+0500
2026-05-26T14:11+0500
2026-05-26T14:11+0500
mdh
rossiya federal xavfsizlik xizmati (fxx)
terrorchilar
terrorchilik uyushmasi
eron
falastin
tolibon
xavfsizlik
https://cdn1.img.sputniknews.uz/img/07e6/09/10/28225042_1:0:1919:1079_1920x0_80_0_0_e651aa5a613e8fd35963d71bf8999dd6.jpg
TOShKENT, 26-may — Sputnik. Rossiya FXX direktori Aleksandr Bortnikov MDH tashqi chegaralari va Hamdo‘stlik ichida xavfsizlik vaziyati murakkabligicha qolayotganini aytdi.Uning aytishicha, xalqaro terrorizm, siyosiy va diniy ekstremizm, uyushgan jinoyatchilik, narkotrafik, kiberhujumlar va axborot urushi kabi tahdidlar bir vaqtning o‘zida kuchaymoqda.Bortnikov bu haqda Irkutsk viloyatida o‘tayotgan MDH davlatlari xavfsizlik organlari va maxsus xizmatlari rahbarlari kengashining 58-yig‘ilishida gapirdi.FXX direktori Yaqin Sharqdagi vaziyat MDH xavfsizligiga bevosita ta’sir qilishi mumkinligini ta’kidladi. Bortnikov Eron atrofidagi keskinlik ham xavflarni oshirayotganini qayd etdi. Uning fikricha, mojaroga yangi tomonlarning jalb qilinishi dinlararo va millatlararo munosabatlarga salbiy ta’sir ko‘rsatishi, butun islom olamida beqarorlik xavfini kuchaytirishi mumkin.FXX direktori, shuningdek, G‘arb maxsus xizmatlari Suriyadan kelgan jangari-terrorchilardan Eronga qarshi proksi kuch sifatida foydalanishga urinayotganini aytdi. Uning ma’lumotlariga ko‘ra, ular orasida avval IShID* va boshqa terrorchilik guruhlari safida jang qilgan, Suriya qamoqxonalarida saqlangan MDH fuqarolari ham bo‘lishi mumkin.Bortnikovning ta’kidlashicha, bunday shaxslar Iroqdagi maxsus lagerlarga yuborilmoqda. Ulardan nafaqat Yaqin Sharqda, balki keyinchalik o‘zlari kelgan mamlakatlarda ham foydalanilishi ehtimoli bor.FXX direktori Afg‘onistondagi asosiy xavflar sifatida “Viloyat Xuroson”*, u bilan bog‘liq jihodchi guruhlar va Tolibonga qarshi qurolli muxolifat tuzilmalarini tilga oldi. Uning fikricha, G‘arb kuchlari ushbu mintaqadan keyinchalik Markaziy Osiyo respublikalaridagi vaziyatga ta’sir o‘tkazish uchun foydalanishga urinmoqda.* Rossiyada taqiqlangan xalqaro terrorchilik tashkilotlari
https://oz.sputniknews.uz/20251121/toshkent-muhokama-53663551.html
eron
falastin
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
mdh, rossiya federal xavfsizlik xizmati (fxx), terrorchilar, terrorchilik uyushmasi, eron, falastin, tolibon, xavfsizlik
mdh, rossiya federal xavfsizlik xizmati (fxx), terrorchilar, terrorchilik uyushmasi, eron, falastin, tolibon, xavfsizlik
Bortnikov: MDHdan chiqqan jangarilar o‘z mamlakatlarida faollashtirilishi mumkin
Rossiya FXX direktori Yaqin Sharqdagi terrorchilik xavflari MDH va Markaziy Osiyo xavfsizligiga bevosita ta’sir qilishi mumkinligini aytdi.
TOShKENT, 26-may — Sputnik. Rossiya FXX direktori Aleksandr Bortnikov MDH tashqi chegaralari va Hamdo‘stlik ichida xavfsizlik vaziyati murakkabligicha qolayotganini
aytdi.
Uning aytishicha, xalqaro terrorizm, siyosiy va diniy ekstremizm, uyushgan jinoyatchilik, narkotrafik, kiberhujumlar va axborot urushi kabi tahdidlar bir vaqtning o‘zida kuchaymoqda.
Bortnikov bu haqda Irkutsk viloyatida o‘tayotgan MDH davlatlari xavfsizlik organlari va maxsus xizmatlari rahbarlari kengashining 58-yig‘ilishida gapirdi.
FXX direktori Yaqin Sharqdagi vaziyat MDH xavfsizligiga bevosita ta’sir qilishi mumkinligini ta’kidladi.
Uning so‘zlariga ko‘ra, Isroilning Falastinga qarshi harakatlari ortidan musulmonlar orasida yuzaga kelgan norozilik kayfiyatidan terrorchilik tuzilmalari foydalanishga uringan. MDH maxsus xizmatlari bunday bir qator holatlarga tezkor ravishda chek qo‘ygan.
Bortnikov Eron atrofidagi keskinlik ham xavflarni oshirayotganini qayd etdi. Uning fikricha, mojaroga yangi tomonlarning jalb qilinishi dinlararo va millatlararo munosabatlarga salbiy ta’sir ko‘rsatishi, butun islom olamida beqarorlik xavfini kuchaytirishi mumkin.
FXX direktori, shuningdek, G‘arb maxsus xizmatlari Suriyadan kelgan jangari-terrorchilardan Eronga qarshi proksi kuch sifatida foydalanishga urinayotganini aytdi. Uning ma’lumotlariga ko‘ra, ular orasida avval IShID* va boshqa terrorchilik guruhlari safida jang qilgan, Suriya qamoqxonalarida saqlangan MDH fuqarolari ham bo‘lishi mumkin.
Bortnikovning ta’kidlashicha, bunday shaxslar Iroqdagi maxsus lagerlarga yuborilmoqda. Ulardan nafaqat Yaqin Sharqda, balki keyinchalik o‘zlari kelgan mamlakatlarda ham foydalanilishi ehtimoli bor.
U Afg‘onistondagi vaziyatga ham to‘xtaldi. Bortnikovga ko‘ra, Tolibon hukumati mamlakatni fuqarolar urushi va hududiy parchalanishdan saqlab qolishga harakat qilmoqda, biroq Pokiston bilan vaqti-vaqti bilan avj olayotgan to‘qnashuvlar afg‘on xavfsizlik kuchlari resurslarini ichki tahdidlardan chalg‘itmoqda.
FXX direktori Afg‘onistondagi asosiy xavflar sifatida “Viloyat Xuroson”*, u bilan bog‘liq jihodchi guruhlar va Tolibonga qarshi qurolli muxolifat tuzilmalarini tilga oldi. Uning fikricha, G‘arb kuchlari ushbu mintaqadan keyinchalik Markaziy Osiyo respublikalaridagi vaziyatga ta’sir o‘tkazish uchun foydalanishga urinmoqda.
* Rossiyada taqiqlangan xalqaro terrorchilik tashkilotlari
