https://oz.sputniknews.uz/20260503/zelenskyy-atrof-ichki-kurash-57292993.html
Umerov, Bogdan, Yermak va Budanov*: Zelenskiy atrofida ichki kurash avj oldi
Umerov, Bogdan, Yermak va Budanov*: Zelenskiy atrofida ichki kurash avj oldi
Sputnik O‘zbekiston
“Mindich plenkalari” fonida Zelenskiy atrofida ichki ziddiyatlar kuchaymoqda: Umerovni ishdan olishga chaqirishapti, Bogdanga sanksiya kiritildi, Yermak Budanovga qarshi kampaniya boshlagani aytilmoqda.
2026-05-03T14:23+0500
2026-05-03T14:23+0500
2026-05-03T14:26+0500
rossiyaning donbassdagi maxsus harbiy operatsiyasi
dunyo yangiliklari
ukraina
vladimir zelenskiy
korrupsiya
https://cdn1.img.sputniknews.uz/img/07ea/04/19/57145584_0:156:1280:876_1920x0_80_0_0_b42f16eaeab92d88fdb0b5a45afa4514.jpg
TOShKENT, 6-may — Sputnik. Ukrainada “Mindich plenkalari” atrofidagi korrupsiya mojarosi Zelenskiy atrofidagi ichki kurashni kuchaytirdi. RIA Novosti manbasiga ko‘ra, Zelenskiy ofisining sobiq rahbari Andrey Yermak amaldagi ofis rahbari Kirill Budanovga* qarshi mediakampaniya boshlagan. Shu bilan birga, Zelenskiyning yana bir sobiq ofis rahbari Andrey Bogdan sanksiyalar ro‘yxatiga kiritildi, Rustem Umerovni esa Milliy xavfsizlik va mudofaa kengashi (SNBO) kotibligidan ketkazishga chaqirishmoqda.Bundan avval Ukraina Mudofaa vazirligi huzuridagi jamoatchilik antikorrupsiya kengashi ham Umerovni lavozimidan chetlatishga chaqirgan. Kengash uning Mindich bilan FirePoint ulushini sotish masalasini muhokama qilgani hokimiyatni suiiste’mol qilish va davlat sirlarini oshkor etish alomatlariga ega bo‘lishi mumkinligini bildirgan“Mindich plenkalari” faqat Umerov atrofidagi mojaro bilan cheklanmadi. “Ukrainskaya pravda”ning ikkinchi qismida mudofaa shartnomalaridan tashqari, Sense Bank va “Karpatneftexim” kabi aktivlar atrofidagi ta’sir masalasi ham tilga olingan. Nashrga ko‘ra, Rossiya bilan aloqalar sabab davlat nazoratiga o‘tkazilishi kerak bo‘lgan ayrim aktivlar amalda Yermak va Mindichga yaqin shaxslar ta’siriga tushgan bo‘lishi mumkin.Zelenskiy atrofidagi yana bir ziddiyat Andrey Bogdan bilan bog‘liq. RIA Novosti yozishicha, Zelenskiy o‘zining sobiq ofis rahbari Andrey Bogdanga nisbatan sanksiya kiritgan. Verxovnaya rada deputati Yaroslav Jeleznyak bu qaror “Mindich plenkalari” sizdirilishi bilan bog‘liq bo‘lishi mumkinligini aytdi. Uning so‘zlariga ko‘ra, Mindichga nisbatan sanksiyalar uch yilga, Bogdanga nisbatan esa 10-yilga kiritilgan.Yana bir ichki front Yermak va Kirill Budanov* o‘rtasida ochilgani aytilmoqda. RIA Novosti manbasiga ko‘ra, Zelenskiy ofisining sobiq rahbari Andrey Yermak amaldagi ofis rahbari Kirill Budanovga* qarshi mediakampaniya boshlagan.Manba Yermak Budanovni* Rossiya bilan muzokaralarni izdan chiqarishda, harbiy komissariyatlar atrofidagi inqirozda va G‘arb OAVlarida Kiyev rahbariyatining “kelishuvga qobiliyatsizligi” haqida materiallar chiqishiga aloqadorlikda ayblashni rejalashtirayotganini bildirgan.RIA suhbatdoshiga ko‘ra, kampaniya “saroyga yaqin” fikr yetakchilari va Telegram-kanallar orqali olib borilishi mumkin.Bunday vaziyat avvalroq Ukrainada hokimiyatni qayta taqsimlash ssenariylari muhokama qilinayotgani haqidagi xabarlar fonida yuz bermoqda. RIA Novosti ukrain siyosatshunosi Ruslan Bortnikka tayanib yozishicha, Kiyevda “tinch to‘ntarish” ssenariysi — Verxovnaya rada rahbarini almashtirish, yangi koalitsiya tuzish va hukumatni qayta shakllantirish orqali Zelenskiy vakolatlarini cheklash g‘oyasi muhokama qilinmoqda.* Kirill Budanov Rossiyada terroristlar va ekstremistlar ro‘yxatiga kiritilgan.
https://oz.sputniknews.uz/20260104/ukraine-amaldor-almashish-54634847.html
ukraina
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
dunyo yangiliklari, ukraina, vladimir zelenskiy, korrupsiya
dunyo yangiliklari, ukraina, vladimir zelenskiy, korrupsiya
Umerov, Bogdan, Yermak va Budanov*: Zelenskiy atrofida ichki kurash avj oldi
14:23 03.05.2026 (yangilandi: 14:26 03.05.2026) “Mindich plenkalari” Ukraina hokimiyati ichidagi ziddiyatlarni kuchaytirdi: Umerovni iste’foga chaqirishmoqda, Bogdanga sanksiya kiritildi, Yermak esa Budanovga* qarshi mediakampaniya boshlagani aytilmoqda
TOShKENT, 6-may — Sputnik. Ukrainada “Mindich plenkalari” atrofidagi korrupsiya mojarosi Zelenskiy atrofidagi ichki kurashni kuchaytirdi. RIA Novosti manbasiga
ko‘ra, Zelenskiy ofisining sobiq rahbari Andrey Yermak amaldagi ofis rahbari Kirill Budanovga* qarshi mediakampaniya boshlagan.
Shu bilan birga, Zelenskiyning yana bir sobiq ofis rahbari Andrey Bogdan sanksiyalar ro‘yxatiga kiritildi, Rustem Umerovni esa Milliy xavfsizlik va mudofaa kengashi (SNBO) kotibligidan ketkazishga chaqirishmoqda.
Bundan avval Ukraina Mudofaa vazirligi huzuridagi jamoatchilik antikorrupsiya kengashi ham Umerovni lavozimidan chetlatishga chaqirgan. Kengash uning Mindich bilan FirePoint ulushini sotish masalasini muhokama qilgani hokimiyatni suiiste’mol qilish va davlat sirlarini oshkor etish alomatlariga ega bo‘lishi mumkinligini bildirgan
Mojaro fonida Umerovga nisbatan bosim kuchaydi. Zelenskiy partiyasi hisoblangan “Sluga naroda” fraksiyasi deputati Fodor Venislavskiy Umerovni SNBO kotibi lavozimidan ozod etish “oqilona siyosiy qaror” bo‘lishini aytdi.
“Mindich plenkalari” faqat Umerov atrofidagi mojaro bilan cheklanmadi. “Ukrainskaya pravda”ning ikkinchi qismida mudofaa shartnomalaridan tashqari, Sense Bank va “Karpatneftexim” kabi aktivlar atrofidagi ta’sir masalasi ham tilga olingan. Nashrga ko‘ra, Rossiya bilan aloqalar sabab davlat nazoratiga o‘tkazilishi kerak bo‘lgan ayrim aktivlar amalda Yermak va Mindichga yaqin shaxslar ta’siriga tushgan bo‘lishi mumkin.
Zelenskiy atrofidagi yana bir ziddiyat Andrey Bogdan bilan bog‘liq. RIA Novosti yozishicha, Zelenskiy o‘zining sobiq ofis rahbari Andrey Bogdanga nisbatan sanksiya kiritgan. Verxovnaya rada deputati Yaroslav Jeleznyak bu qaror “Mindich plenkalari” sizdirilishi bilan bog‘liq bo‘lishi mumkinligini aytdi. Uning so‘zlariga ko‘ra, Mindichga nisbatan sanksiyalar uch yilga, Bogdanga nisbatan esa 10-yilga kiritilgan.
Yana bir ichki front Yermak va Kirill Budanov* o‘rtasida ochilgani aytilmoqda. RIA Novosti manbasiga ko‘ra, Zelenskiy ofisining sobiq rahbari Andrey Yermak amaldagi ofis rahbari Kirill Budanovga* qarshi mediakampaniya boshlagan.
Manba Yermak Budanovni* Rossiya bilan muzokaralarni izdan chiqarishda, harbiy komissariyatlar atrofidagi inqirozda va G‘arb OAVlarida Kiyev rahbariyatining “kelishuvga qobiliyatsizligi” haqida materiallar chiqishiga aloqadorlikda ayblashni rejalashtirayotganini bildirgan.
RIA suhbatdoshiga ko‘ra, kampaniya “saroyga yaqin” fikr yetakchilari va Telegram-kanallar orqali olib borilishi mumkin.
Shu tariqa, “Mindich plenkalari” fonida Zelenskiy atrofida bir vaqtning o‘zida bir necha ziddiyat ochildi: Umerovni lavozimidan ketkazish chaqiriqlari yangramoqda, Bogdan sanksiya ro‘yxatiga kiritildi, Yermak esa Budanovga* qarshi kampaniya boshlagani aytilmoqda. Korrupsiya ayblovlari esa ushbu ichki kurash uchun asosiy fonga aylanmoqda.
Bunday vaziyat avvalroq Ukrainada hokimiyatni qayta taqsimlash ssenariylari muhokama qilinayotgani haqidagi xabarlar fonida yuz bermoqda. RIA Novosti ukrain siyosatshunosi Ruslan Bortnikka tayanib yozishicha, Kiyevda “tinch to‘ntarish” ssenariysi — Verxovnaya rada rahbarini almashtirish, yangi koalitsiya tuzish va hukumatni qayta shakllantirish orqali Zelenskiy vakolatlarini cheklash g‘oyasi muhokama qilinmoqda.
* Kirill Budanov Rossiyada terroristlar va ekstremistlar ro‘yxatiga kiritilgan.
