Toshkentda Mas’ud Xolovning “Alp Turon izidan” shaxsiy ko‘rgazmasi bo‘lib o‘tmoqda
© Sputnik / Baxrom Xatamov
Obuna bo‘lish
Eksklyuziv
Rassom ijodida Turon va Turkiston tarixi alohida o‘rin tutadi.
TOShKENT, 2 apr — Sputnik. Toshkent Fotosuratlar uyida iste’dodli rassom Mas’ud Xolovning “Alp Turon izidan” nomli shaxsiy ko‘rgazmasi keng jamoatchilikka taqdim etildi.
Ko‘rgazmada muallifning rangtasvir asarlari, turli davrlarga oid eskiz va qoralamalari, shuningdek, bolalik yillarida yaratgan ilk ishlari namoyish etildi.Ushbu ko‘rgazma nafaqat ijodiy yo‘l natijasi, balki rassomning tarixiy merosga bo‘lgan chuqur munosabatini ham namoyon etdi.
Mas’ud Xolovning "Alp Turon izidan" ko‘rgazmasi
© Sputnik / Baxrom Xatamov
Ushbu ko‘rgazma nafaqat ijodiy yo‘lning natijasi, balki rassomning tarixiy merosga bo‘lgan chuqur munosabatini ham namoyon etdi.
Mas’ud Xolovning "Alp Turon izidan" ko‘rgazmasi
© Sputnik / Baxrom Xatamov
Ko‘rgazma nomi — "Alp Turon izidan" — ramziy ma’noga ega bo‘lib, u turk madaniy an’analariga ishora qiladi.
Mas’ud Xolovning "Alp Turon izidan" ko‘rgazmasi
© Sputnik / Baxrom Xatamov
Ko‘rgazmaning “Alp Turon izidan” deb nomlanishi ham ramziy ma’noga ega. “Alp” — qahramon, “Turon” esa Markaziy Osiyoning tarixiy-madaniy makoni sifatida talqin qilinib, asarlarda milliy o‘zlik, tarixiy xotira va meros g‘oyalari mujassam etilgan.
Mas’ud Xolovning "Alp Turon izidan" ko‘rgazmasi
© Sputnik / Baxrom Xatamov
Mas’ud Xolov ijodida Turon va Turkiston tarixi alohida o‘rin tutadi. U asarlarida xalqlar taqdiri, buyuk shaxslar hayoti va madaniy an’analarni badiiy talqin qiladi. Rassom yoshlikdanoq milliy qahramonlar obrazlarini yaratishga qiziqib, ayniqsa Amir Temur siymosiga ko‘p bor murojaat qilgan. Bu mavzu uning ijodida yetakchi yo‘nalish sifatida shakllangan.Ko‘rgazmada Amir Temur, Jaloliddin Manguberdi, Zahiriddin Muhammad Bobur, Mirzo Ulug‘bek kabi tarixiy shaxslarning portretlari alohida e’tiborga sazovor bo‘ldi. Muallif ularning obrazlarini qayta talqin etib, tarixiy haqqoniylikni zamonaviy badiiy yechimlar bilan uyg‘unlashtirgan. Asarlarda qahramonlar kuch, iroda va inson ruhiyati timsoli sifatida namoyon bo‘ladi.
Mas’ud Xolovning "Alp Turon izidan" ko‘rgazmasi
© Sputnik / Baxrom Xatamov
“Mas’ud Xolov uchun o‘tmish bitmas-tuganmas ilhom manbai, badiiy tafakkurni shakllantiruvchi va ijodiy ifodaning yuksak mezonlarini belgilovchi muhim omildir”,— deydi Sputnik bilan suhbatda Toshkent Fotosuratlar uyi direktori Jahongir Izentayev.
Mas’ud Xolovning "Alp Turon izidan" ko‘rgazmasi
© Sputnik / Baxrom Xatamov
Ko‘rgazmada Amir Temur, Jaloliddin Manguberdi, Zahiriddin Muhammad Bobur, Mirzo Ulug‘bek kabi tarixiy shaxslarning portretlari alohida e’tiborga sazovor bo‘ldi. Muallif ularning obrazlarini qayta talqin etib, tarixiy haqqoniylikni zamonaviy badiiy yechimlar bilan uyg‘unlashtirgan. Asarlarda qahramonlar kuch, iroda va inson ruhiyati timsoli sifatida namoyon bo‘ladi.
Mas’ud Xolovning "Alp Turon izidan" ko‘rgazmasi
© Sputnik / Baxrom Xatamov
Shu bilan birga, ekspozitsiyada ayol obrazlari ham muhim o‘rin egallagan bo‘lib, rassom ular orqali jamiyatdagi ayollar o‘rni va qadr-qimmatini ochib berishga harakat qilgan. Bu esa qahramonlik tushunchasini yanada kengaytirgan.
“O‘tmishni anglash — bugunni tushunish va kelajakni barpo etishning muhim kalitidir”, — deya ta’kidlaydi direktor.
Rassom o‘z asarlarida turli manbalar — tarixiy yozmalar, ilmiy tadqiqotlar, miniaturalar va madaniy yodgorliklarga tayanib ish olib boradi. Uning ishlarida portret aniqligi ramziy muhit bilan uyg‘unlashib, yagona badiiy makon yaratiladi. Shuningdek, ko‘rgazmada tarixiy me’moriy majmualarni tiklashga bag‘ishlangan asarlar ham namoyish etildi.
Mas’ud Xolovning "Alp Turon izidan" ko‘rgazmasi
© Sputnik / Baxrom Xatamov
Mas’ud Xolov uchun o‘tmish — ilhom manbai, ijodiy tafakkurni shakllantiruvchi muhim omildir. Uning asarlari orqali tarix va zamon o‘rtasida o‘ziga xos muloqot vujudga keladi.
