Rossiya va O‘zbekiston atom va turdosh sohalardagi hamkorlik bo‘yicha yo‘l xaritasini imzoladi
Rossiya va O‘zbekiston atom va turdosh sohalardagi hamkorlik bo‘yicha yo‘l xaritasini imzoladi
Sputnik O‘zbekiston
Toshkentda “Rosatom” va “O‘zatom” atom va turdosh sohalardagi hamkorlik bo‘yicha yo‘l xaritasini imzoladi. Shu bilan birga, Jizzax viloyatidagi AES qurilish maydonida beton ishlari boshlandi.
TOShKENT, 24 mar – Sputnik. 24-mart kuni Toshkentda "Rosatom" davlat korporatsiyasi va O‘zbekiston Vazirlar Mahkamasi huzuridagi Atom energiyasi agentligi ("O‘zatom" agentligi) o‘rtasida atom va turdosh sohalardagi hamkorlik bo‘yicha yo‘l xaritasi hamda AES qurilishi bo‘yicha shartnomaga qo‘shimcha kelishuv imzolandi, deb xabar berdi Sputnik muxbiri.Hujjatlar "Rosatom" davlat korporatsiyasi bosh direktori Aleksey Lixachov va "O‘zatom" agentligi direktori Azim Axmedxadjayev tomonidan imzolandi.Yo‘l xaritasining imzolanishi Rossiya va O‘zbekiston o‘rtasidagi atom sohasidagi hamkorlik keng qamrovli ekanligini, atom sanoati esa hayotning barcha sohalarini rivojlantirishga turtki berishini ko‘rsatadi.Yo‘l xaritasi bilan birga imzolangan shartnomaga qo‘shimcha kelishuv AESning yangi, integratsiyalashgan konfiguratsiyasini nazarda tutadi. Loyiha tarkibiga 3+ avlod VVER-1000 reaktorlari asosidagi ikkita katta quvvatli energoblok va har birining quvvati 55 MVt bo‘lgan RITM-200N reaktorli ikkita energoblok kiradi.Atom elektr stansiyasi to‘liq quvvat bilan ishlay boshlagach, yiliga 17,2 milliard kVt/soat atrofida energiya ishlab chiqaradi va O‘zbekistonning umumiy energiya iste’molining 14 foizini ta’minlaydi.Loyihaning amalga oshirilishi ikki mamlakat o‘rtasidagi strategik hamkorlikni chuqurlashtirishning muhim bosqichi bo‘ladi.Shu bilan birga, Jizzax viloyati Forish tumanidagi AES qurilish maydonida RITM-200N reaktoriga ega kichik quvvatli atom stansiyasining energiya blokini qurish doirasida beton ishlari boshlandi.
rossiya, o‘zbekiston, rosatom, o‘zatom, aes, atom elektr stansiyasi, jizzax, forish, beton ishlari, vver-1000, ritm-200n, atom sohasidagi hamkorlik, yo‘l xaritasi, azim axmedxadjayev, aleksey lixachev
rossiya, o‘zbekiston, rosatom, o‘zatom, aes, atom elektr stansiyasi, jizzax, forish, beton ishlari, vver-1000, ritm-200n, atom sohasidagi hamkorlik, yo‘l xaritasi, azim axmedxadjayev, aleksey lixachev
Rossiya va O‘zbekiston atom va turdosh sohalardagi hamkorlik bo‘yicha yo‘l xaritasini imzoladi
Imzolash bilan bir vaqtda Jizzax viloyatidagi AES qurilish maydonida beton ishlari boshlandi .
TOShKENT, 24 mar – Sputnik. 24 mart kuni Toshkentda "Rosatom" davlat korporatsiyasi va O‘zbekiston Vazirlar Mahkamasi huzuridagi Atom energiyasi agentligi ("O‘zatom" agentligi) o‘rtasida atom va turdosh sohalardagi hamkorlik bo‘yicha yo‘l xaritasi hamda AES qurilishi bo‘yicha shartnomaga qo‘shimcha kelishuv imzolandi, deb xabar berdi Sputnik muxbiri.
Hujjatlar "Rosatom" davlat korporatsiyasi bosh direktori Aleksey Lixachov va "O‘zatom" agentligi direktori Azim Axmedxadjayev tomonidan imzolandi.
Yo‘l xaritasi AES qurilishi loyihasi bo‘yicha o‘zaro hamkorlikning barcha asosiy yo‘nalishlarini, jumladan, kadrlar tayyorlash, aholini zamonaviy yadro texnologiyalari haqida xabardor qilish va stansiya qoshida kelajakdagi "atomchilar" shaharchasini barpo etish masalalarini qamrab olgan.
Yo‘l xaritasining imzolanishi Rossiya va O‘zbekiston o‘rtasidagi atom sohasidagi hamkorlik keng qamrovli ekanligini, atom sanoati esa hayotning barcha sohalarini rivojlantirishga turtki berishini ko‘rsatadi.
Yo‘l xaritasi bilan birga imzolangan shartnomaga qo‘shimcha kelishuv AESning yangi, integratsiyalashgan konfiguratsiyasini nazarda tutadi. Loyiha tarkibiga 3+ avlod VVER-1000 reaktorlari asosidagi ikkita katta quvvatli energoblok va har birining quvvati 55 MVt bo‘lgan RITM-200N reaktorli ikkita energoblok kiradi.
Atom elektr stansiyasi to‘liq quvvat bilan ishlay boshlagach, yiliga 17,2 milliard kVt/soat atrofida energiya ishlab chiqaradi va O‘zbekistonning umumiy energiya iste’molining 14 foizini ta’minlaydi.
Loyihaning amalga oshirilishi ikki mamlakat o‘rtasidagi strategik hamkorlikni chuqurlashtirishning muhim bosqichi bo‘ladi.
Shu bilan birga, Jizzax viloyati Forish tumanidagi AES qurilish maydonida RITM-200N reaktoriga ega kichik quvvatli atom stansiyasining energiya blokini qurish doirasida beton ishlari boshlandi.
"Yo‘l xaritasi va noyob integratsiyalashgan atom elektr stansiyasini qurish bo‘yicha shartnoma imzolanishi, shuningdek, maydonchada boshlangan beton ishlari O‘zbekistonning jahon atom energetikasi avangardiga kirganini anglatadi. Mamlakat o‘nlab yillar davomida ijtimoiy-iqtisodiy o‘sish va texnologik suverenitetni mustahkamlashga yordam beradigan noyob loyihani ishga tushirmoqda. "Rosatom" uchun O‘zbekistonda AES qurilishi yetakchilik pozitsiyasining yana bir isboti, dunyoda hech kim qila olmaydigan loyihalarni amalga oshirish imkoniyatidir", - dedi Aleksey Lixachov.
Ma’lumot uchun: 2024-yil 27-may kuni Rossiya prezidenti Vladimir Putinning O‘zbekistonga davlat tashrifi chog‘ida Rossiya va O‘zbekiston davlat rahbarlari huzurida ikki davlat o‘rtasida O‘zbekistonda atom elektr stansiyasini qurish bo‘yicha hamkorlik to‘g‘risidagi hukumatlararo bitimga o‘zgartirishlar kiritish to‘g‘risida bayonnoma imzolandi, uning mohiyati O‘zbekistonda Rossiya loyihasi bo‘yicha kichik quvvatli atom elektr stansiyasini (KQAES) qurish bo‘yicha hamkorlikni kengaytirishdan iborat. Shuningdek, tadbir doirasida "Atomstroyeksport" aksiyadorlik jamiyati ("Rosatom" davlat korporatsiyasining muhandislik bo‘limi) va O‘zbekiston Atom energiyasi agentligi huzuridagi "AES qurilishi direksiyasi" davlat korxonasi o‘rtasida O‘zbekistonda kichik quvvatli atom elektr stansiyasini qurish bo‘yicha shartnoma imzolandi.
