https://oz.sputniknews.uz/20260213/ozbekiston-bolalar-55695356.html
O‘zbekistonda bolalar onkologiyasini davolash qanday rivojlanmoqda - video
O‘zbekistonda bolalar onkologiyasini davolash qanday rivojlanmoqda - video
Sputnik O‘zbekiston
Sputnik O‘zbekiston multimedia matbuot markazida Xalqaro bolalar saratoni kuniga bag‘ishlangan Moskva-Toshkent videoko‘prigi bo‘lib o‘tdi. Bolalar onkologiyasi, gematologiyasi va immunologiyasi ilmiy-amaliy tibbiyot markazining tibbiy ishlar bo‘yicha direktor o‘rinbosari va bosh shifokori Dilnoza Agzamxodjayeva bolalar saratonining eng keng tarqalgan shakllari va so‘nggi yillarda kasallik tuzilishi qanday o‘zgargani haqida gapirdi.
2026-02-13T20:26+0500
2026-02-13T20:26+0500
2026-02-13T20:26+0500
matbuot markazi
video
bolalar
o‘zbekiston
matbuot markazi video
https://cdn1.img.sputniknews.uz/img/07ea/02/0d/55695154_0:0:1920:1080_1920x0_80_0_0_b0139c8a02ec765fa2ea3985652acace.jpg
Sputnik O‘zbekiston multimedia matbuot markazida Xalqaro bolalar saratoni kuniga bag‘ishlangan Moskva-Toshkent videoko‘prigi bo‘lib o‘tdi. Bolalar onkologiyasi, gematologiyasi va immunologiyasi ilmiy-amaliy tibbiyot markazining (IATM) tibbiy ishlar bo‘yicha direktor o‘rinbosari, bosh shifokori Dilnoza Agzamxodjayeva bolalar saratonining eng keng tarqalgan shakllari va so‘nggi yillarda kasallik tuzilishi qanday o‘zgargani haqida gapirdi. U bolalar saratonini aniqlashning ko‘payishi erta tashxis qo‘yishning yaxshilanishi, shuningdek, bolalar populyatsiyasining ko‘payishi bilan bog‘liqligini ta’kidladi. Agzamxodjayevaning so‘zlariga ko‘ra, markaz zamonaviy diagnostika va davolash usullarini faol rivojlantirmoqda, xalqaro klinik protokollarni joriy etmoqda, shifokorlar va hamshiralar uchun o‘quv dasturlarini kengaytirmoqda, suyak ko‘migi transplantatsiyasini ishga tushirish va rivojlantirish uchun infratuzilmani tayyorlamoqda va xalqaro hamkorlikni faol ravishda amalga oshirmoqda. Umumiy kasallanish darajasi barqaror bo‘lib qolmoqda va bolalar onkologiyasidagi global tendensiyalarga mos keladi. Toshkentda Markaziy Osiyo mamlakatlari uchun bolalar onkologiyasi bo‘yicha Xalqaro akademik xab o‘z faoliyatini boshladi. Gematolog va transplantolog, xab direktorining ilm-fan va innovatsiyalar bo‘yicha o‘rinbosari, rossiyalik xalqaro mutaxassis Gleb Broninning ta’kidlashicha, bugungi kunda O‘zbekistonda tashkil etilayotgan bolalar saratoni bo‘yicha Xalqaro akademik xabga sobiq ittifoq hududida o‘xshashi yo‘q. Loyiha Markaziy Osiyo mamlakatlari - O‘zbekiston, Qozog‘iston, Qirg‘iziston va Tojikistonni birlashtiradi. Uning faoliyatida G‘arb mamlakatlarining yetakchi onkologiya markazlari - Garvard universiteti huzuridagi Dana Farber onkologiya markazi (AQSh), Vena tibbiyot universiteti (Avstriya), Sent-Jud ilmiy-tadqiqot shifoxonasi (AQSh) va boshqalar asosiy strategik hamkorlar sifatida ishtirok etmoqda. Broninning aytishicha, xab noyob ilmiy-ta’lim maydoni hisoblanadi: hozirgi kunda bu yerda bolalar onkologiyasi, gematologiyasi va immunologiyasi bo‘yicha diplomdan keyingi ta’lim dasturlari barcha darajadagi mutaxassislar: patronaj hamshiralaridan va oilaviy shifokorlardan tortib, statsionarlar uchun yuqori malakali kadrlargacha mo‘ljallangan bo‘lib amalga oshirilmoqda. Ta’lim dasturlarida xorijlik mutaxassislar bevosita ishtirok etmoqda. Bundan tashqari, fundamental va amaliy bolalar onkologiyasi sohasida xalqaro ilmiy-tadqiqot loyihalari ham olib borilmoqda. Aynan ta’lim O‘zbekistonning barcha hududlarida bolalar onkologiyasini rivojlantirishning kaliti ekanligi ta’kidlandi.U, shuningdek, joriy yil oxirigacha O‘zbekiston Bolalar onkologiyasi, gematologiyasi va immunologiyasi milliy ilmiy-amaliy tibbiyot markazida maxsus laboratoriyaga ega bo‘lgan suyak ko‘migi transplantatsiyasi bo‘limi ish boshlashini ham ma’lum qildi. Uning aytishicha, aynan shu baza O‘zbekistonda suyak ko‘migi donorlarining milliy registrini shakllantirish uchun asos bo‘ladi. Vasya Perevoshchikov nomidagi Suyak ko‘migi donorlari milliy registri tibbiyot direktori Olga Gerovaning so‘zlariga ko‘ra, bugungi kunda O‘zbekistonda bemor uchun donor topish ancha mushkul - chunki mamlakatda hali o‘z registri va aholining genetik tipizatsiyasi bo‘yicha ma’lumotlar mavjud emas. Eng oson yo‘l esa “genetik egizak”ni aynan mamlakatning o‘zida izlab topishdir. Hozirda “Bolalar onkologiyasi, gematologiyasi va immunologiyasi” IATM tashabbusi bilan O‘zbekistonda katta ishlar amalga oshirildi: Sog‘liqni saqlash vazirligida konsepsiya tasdiqlandi, meyoriy-huquqiy baza tayyorlandi va shu yildan boshlab mamlakat potensial donorlarni jalb etish hamda o‘z reyestrini shakllantirish ishlarini boshlashi kutilmoqda.
o‘zbekiston
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
o‘zbekiston bolalar onkologiyasini davolash
o‘zbekiston bolalar onkologiyasini davolash
O‘zbekistonda bolalar onkologiyasini davolash qanday rivojlanmoqda - video
Eksklyuziv
Ekspertlarning so‘zlariga ko‘ra, umumiy kasallanish darajasi barqaror bo‘lib qolmoqda va bolalar onkologiyasidagi global tendensiyalarga mos keladi.
Sputnik O‘zbekiston multimedia matbuot markazida Xalqaro bolalar saratoni kuniga bag‘ishlangan Moskva-Toshkent videoko‘prigi bo‘lib o‘tdi.
Bolalar onkologiyasi, gematologiyasi va immunologiyasi ilmiy-amaliy tibbiyot markazining (IATM) tibbiy ishlar bo‘yicha direktor o‘rinbosari, bosh shifokori Dilnoza Agzamxodjayeva bolalar saratonining eng keng tarqalgan shakllari va so‘nggi yillarda kasallik tuzilishi qanday o‘zgargani haqida gapirdi.
U bolalar saratonini aniqlashning ko‘payishi erta tashxis qo‘yishning yaxshilanishi, shuningdek, bolalar populyatsiyasining ko‘payishi bilan bog‘liqligini ta’kidladi. Agzamxodjayevaning so‘zlariga ko‘ra, markaz zamonaviy diagnostika va davolash usullarini faol rivojlantirmoqda, xalqaro klinik protokollarni joriy etmoqda, shifokorlar va hamshiralar uchun o‘quv dasturlarini kengaytirmoqda, suyak ko‘migi transplantatsiyasini ishga tushirish va rivojlantirish uchun infratuzilmani tayyorlamoqda va xalqaro hamkorlikni faol ravishda amalga oshirmoqda.
Umumiy kasallanish darajasi barqaror bo‘lib qolmoqda va bolalar onkologiyasidagi global tendensiyalarga mos keladi.
Toshkentda Markaziy Osiyo mamlakatlari uchun bolalar onkologiyasi bo‘yicha Xalqaro akademik xab o‘z faoliyatini boshladi. Gematolog va transplantolog, xab direktorining ilm-fan va innovatsiyalar bo‘yicha o‘rinbosari, rossiyalik xalqaro mutaxassis Gleb Broninning ta’kidlashicha, bugungi kunda O‘zbekistonda tashkil etilayotgan bolalar saratoni bo‘yicha Xalqaro akademik xabga sobiq ittifoq hududida o‘xshashi yo‘q. Loyiha Markaziy Osiyo mamlakatlari - O‘zbekiston, Qozog‘iston, Qirg‘iziston va Tojikistonni birlashtiradi.
Uning faoliyatida G‘arb mamlakatlarining yetakchi onkologiya markazlari - Garvard universiteti huzuridagi Dana Farber onkologiya markazi (AQSh), Vena tibbiyot universiteti (Avstriya), Sent-Jud ilmiy-tadqiqot shifoxonasi (AQSh) va boshqalar asosiy strategik hamkorlar sifatida ishtirok etmoqda.
Broninning aytishicha, xab noyob ilmiy-ta’lim maydoni hisoblanadi: hozirgi kunda bu yerda bolalar onkologiyasi, gematologiyasi va immunologiyasi bo‘yicha diplomdan keyingi ta’lim dasturlari barcha darajadagi mutaxassislar: patronaj hamshiralaridan va oilaviy shifokorlardan tortib, statsionarlar uchun yuqori malakali kadrlargacha mo‘ljallangan bo‘lib amalga oshirilmoqda. Ta’lim dasturlarida xorijlik mutaxassislar bevosita ishtirok etmoqda.
Bundan tashqari, fundamental va amaliy bolalar onkologiyasi sohasida xalqaro ilmiy-tadqiqot loyihalari ham olib borilmoqda. Aynan ta’lim O‘zbekistonning barcha hududlarida bolalar onkologiyasini rivojlantirishning kaliti ekanligi ta’kidlandi.
U, shuningdek, joriy yil oxirigacha O‘zbekiston Bolalar onkologiyasi, gematologiyasi va immunologiyasi milliy ilmiy-amaliy tibbiyot markazida maxsus laboratoriyaga ega bo‘lgan suyak ko‘migi transplantatsiyasi bo‘limi ish boshlashini ham ma’lum qildi. Uning aytishicha, aynan shu baza O‘zbekistonda suyak ko‘migi donorlarining milliy registrini shakllantirish uchun asos bo‘ladi.
Vasya Perevoshchikov nomidagi Suyak ko‘migi donorlari milliy registri tibbiyot direktori Olga Gerovaning so‘zlariga ko‘ra, bugungi kunda O‘zbekistonda bemor uchun donor topish ancha mushkul - chunki mamlakatda hali o‘z registri va aholining genetik tipizatsiyasi bo‘yicha ma’lumotlar mavjud emas. Eng oson yo‘l esa “genetik egizak”ni aynan mamlakatning o‘zida izlab topishdir.
Hozirda “Bolalar onkologiyasi, gematologiyasi va immunologiyasi” IATM tashabbusi bilan O‘zbekistonda katta ishlar amalga oshirildi: Sog‘liqni saqlash vazirligida konsepsiya tasdiqlandi, meyoriy-huquqiy baza tayyorlandi va shu yildan boshlab mamlakat potensial donorlarni jalb etish hamda o‘z reyestrini shakllantirish ishlarini boshlashi kutilmoqda.
