https://oz.sputniknews.uz/20260212/tashkent-fotorossomlar-havaskorlar-korgazma-55640642.html

Toshkent Fotosuratlar uyida fotorassomlar va havaskorlar qo‘shma ko‘rgazmasi ochildi

Toshkent Fotosuratlar uyida fotorassomlar va havaskorlar qo‘shma ko‘rgazmasi ochildi

Sputnik O‘zbekiston

11 fevral kuni Toshkent Fotosuratlar uyida “Fotorossomlar sho‘’basi” a’zolari va havaskor fotograflar ishtirokida qo‘shma hisobot ko‘rgazmasi ochildi. Ekspozitsiyada zamonaviy fotografiyaning turli janr va uslublari namoyish etilmoqda.

2026-02-12T19:21+0500

2026-02-12T19:21+0500

2026-02-12T19:21+0500

ko‘rgazma

foto

toshkent

multimedia

sputnik

o‘zbekiston

san’at

rasm

rassom

https://cdn1.img.sputniknews.uz/img/07ea/02/0c/55647338_0:178:3009:1871_1920x0_80_0_0_512e06f707fb5396849f9bebbeb70b43.jpg

TOShKENT, 12 fev — Sputnik, Bahrom Hatamov. Kecha, 11-fevral kuni, soat 17:00 da Toshkent Fotosuratlar uyida O‘zbekiston Badiiy akademiyasi hamda O‘zbekiston Badiiy ijodkorlar uyushmasi hamkorligida tashkil etilgan “Fotorassomlar sho‘’basi” a’zolarining hisobot ko‘rgazmasi va havaskor fotograflar qo‘shma ekspozitsiyasining ochilish marosimi bo‘lib o‘tdi.Yillar davomida mazkur loyiha professional va havaskor ijodkorlarni birlashtiruvchi barqaror ijodiy platformaga aylangan.Bu galgi ko‘rgazmada 22 nafar “Fotorassomlar sho‘’basi” a’zosi va 79 nafar havaskor fotograf ishtirok etdi. Umumiy hisobda 438 ta ijodiy ish namoyish qilinmoqda.Ishtirokchilar geografiyasi ham kengayib, O‘zbekistondan tashqari AQSh, Isroil, Rossiya va Mo‘g‘ulistondan ijodkorlar qatnashdi. Bu esa loyihaning xalqaro madaniy almashinuvga ochiqligini yaqqol ko‘rsatadi.Ekspozitsiyada zamonaviy fotografiyaning turli janr va uslublari o‘z ifodasini topgan. Portretlar, janr sahnalari, manzaralar, sportga bag‘ishlangan suratlar, reportaj turkumlari hamda eksperimental loyihalar tomoshabinlar e’tiboriga havola etildi.Manzara asarlarida lirizm va realizm bilan bir qatorda impressionistik elementlar ham seziladi. Ayrim mualliflar milliy madaniyat va an’analarni tasvirlashga urg‘u bergan bo‘lsa, boshqalar kompozitsiya, yorug‘lik, faktura va kadr tuzilmasi ustida izlanishlar olib borgan.Ko‘rgazmada, shuningdek, fotografiya ifoda vositalarini yangilashga bo‘lgan intilish yaqqol namoyon bo‘ldi. Mualliflar rang va yorug‘lik bilan tajriba o‘tkazib, zamonaviy texnologiyalar hamda nostandart yondashuvlardan samarali foydalangan.Tan olingan ustalar bilan bir qatorda, endigina o‘z yo‘lini boshlayotgan, biroq ijodiy salohiyati bilan ajralib turgan yosh havaskorlarning ishlari ham namoyish etildi.Mazkur uyg‘unlik fotografiyani doimiy ravishda rivojlanib borayotgan san’at turi sifatida ko‘rsatdi. Ko‘rgazma tomoshabinlarga zamonaviy fotografiyaning intellektual va estetik xilma-xilligini his qilish imkonini berdi.Ko‘rgazma 11-22 fevral kunlari davom etadiManzil: Toshkent shahri, Istiqbol ko‘chasi, 4-uy.Ish vaqti: har kuni 10:00 dan 17:00 gacha (dushanba — dam olish kuni).Kirish bepul.

o‘zbekiston

2026

Yangiliklar

uz_UZ

o‘zbekiston badiiy akademiyasi o‘zbekiston badiiy ijodkorlar uyushmasi fotorossomlar sho‘’basi toshkent fotosuratlar uyi hisobot ko‘rgazmasi zamonaviy fotografiya xalqaro ishtirok madaniy tadbir foto