Medvedev: Maduro o‘g‘irlanishi AQShning G‘arbiy yarimsharni nazorat qilish rejasining bir qismi
© POOL
/ Obuna bo‘lish
Medvedevning fikricha, Maduroning o‘g‘irlanishi AQShning G‘arbiy yarim sharda o‘z ta’sirini kuchaytirishga qaratilgan kengroq geosiyosiy strategiyaning bir qismi hisoblanadi.
TOShKENT, 5 fev — Sputnik. Rossiya Xavfsizlik kengashi raisi o‘rinbosari Dmitriy Medvedev Nikolas Maduroning o‘g‘irlanishi va AQShning Venesuelaga bostirib kirishini xalqaro huquqga qarshi qaratilgan qadam, deb bahodladi. Ushbu fikrlar RIA Novosti saytida nashr etilgan uning mualliflik maqolasida bildirilgan.
Maqoladagi asosiy fikrlar:
Nikolas Maduroning o‘g‘irlanishini yagona hodisa sifatida emas, balki AQShning G‘arbiy yarimshar ustidan nazorat o‘rnatish bo‘yicha kengroq strategiyasining bir qismi sifatida qarash kerak.
Vashingtonning maqsadi shunchaki haqiqiy nazorat emas, balki mintaqadagi hukmronlikni qonuniy mustahkamlashdir.
Izoh sifatida Medvedev eski texnokratik "Texnat" konsepsiyasini (XX asrning 30-yillari) keltiradi: Shimoliy Amerikada butun G‘arbiy yarimsharda (Kanada, Markaziy Amerika, Karib dengizi, Janubiy Amerikaning shimoli, Grenlandiya) resurs bazasiga ega bo‘lgan avtonom, texnologik jihatdan boshqariladigan davlat g‘oyasi.
AQShning global hukmronligi zaiflashayotgan bir paytda, uning elitalari buni XIX asrdagi mustamlakachilik siyosati ruhida "o‘z" yarim sharida ta’sirini kengaytirish orqali qoplashga intilmoqda.
bunday harakatlarning huquqiy asosi yo‘q: bu xalqaro huquq tamoyillari va BMT Nizomini to‘g‘ridan-to‘g‘ri buzishdir.
AQShning "narkotrafikka qarshi kurash" haqidagi bayonotlari Venesuelaga qarshi kuch ishlatish uchun asos bo‘la olmaydi.
Xalqaro huquq amaldagi davlat rahbariga boshqa mamlakatlarning jinoiy yurisdiksiyasidan mutlaq immunitet berishini alohida ta’kidlaydi.
Medvedev xalqaro sudlarning qarorlari va tarixiy pretsedentlardan misollar keltiradi, bu uning fikricha, bunday harakatlarning noqonuniyligini tasdiqlaydi.
AQSh amalda dunyoga Ikkinchi jahon urushidan oldin mavjud bo‘lgan, kuch huquqi huquqdan ustun bo‘lgan xalqaro munosabatlar modeliga qaytishni taklif qilmoqda.
Amerika elitalari ko‘p qutbli dunyo shakllanayotganini anglab, go‘yoki bir yarimsharda "amerika markazlashgan hudud" yaratishga harakat qilmoqda.
Ushbu mantiqda Venesuela, ushbu hududning resurs bazasining elementi sifatida qaraladi.
Bunday g‘oyalar AQShning yangi milliy xavfsizlik doktrinalarida ham aks etgan.
Maqolaning to‘liq matni bilan ria.ru saytida tanishishingiz mumkin
