Eronda tartibsizliklar paytida 50 dan ortiq masjid yoqib yuborilgan
15:15 17.01.2026 (yangilandi: 18:09 17.01.2026)
© telegram sputnikuzbekistan
/ Obuna bo‘lish
Oliy rahbar Ali Hamaneiy mamlakatga yetkazilgan zarar va qurbonlarda bevosita AQSh prezidenti Donald Trampni aybladi.
TOShKENT, 17 yanv — Sputnik. Eronda norozilik namoyishlari paytida 50 dan ortiq masjid va 180 ta tez yordam mashinasi yoqib yuborilgan. Bu haqida Rossiyaning Erondagi elchixonasi ma’lum qildi.
"Uch kun davomida 180 ta tez yordam mashinasi yoqib yuborildi. Faqat Tehronda 26 ta bank va 25 ta masjid yoqib yuborildi. Mamlakat bo‘ylab jami 53 ta masjidga hujum qilindi va yoqib yuborildi, bu nafaqat Eronda, balki barcha musulmon mamlakatlarida misli ko‘rilmagan holat", - deyiladi elchixona materiallarida.
Elchixona ma’lumotlariga ko‘ra, hatto yaralanganlardan ham qosos olish holati sodir bo‘lgan.
"Yaradorlar yo‘q qilindi. Bir holatda, odamlar yaradorlarni kasalxonaga olib borishga uringanlarida, bir guruh "ko‘ngillilar" yordam berishni taklif qilishdi, ammo keyinchalik 11 yaradorning barchasi boshidan otilgan holda topildi", deyiladi maqolada.
Eron rasmiylari tartibsizliklarni terroristlar deb atashdi va tartibsizliklarni uyushtirishda Isroil va Qo‘shma Shtatlarni aybladilar.
Oliy rahbar Ali Xomanaiy AQSh prezidentini tartibsizliklar vaqtida mamlakatga yetkazilgan zarar, qurbonlar va tuhmat uchun bevosita aybdor deb bilishini ta’kidladi.
Oliy rahbar Ali Xomanaiy AQSh prezidentini tartibsizliklar vaqtida mamlakatga yetkazilgan zarar, qurbonlar va tuhmat uchun bevosita aybdor deb bilishini ta’kidladi.
Erondagi tartibsizliklar
2025 yil dekabr oyi oxirida rialining qadrsizlanishi tufayli boshlangan norozilik namoyishlarida, keyinchalik siyosiy tizimga qarshi tartibsizliklarga aylanib ketdi.
8 yanvar kuni Tehron va boshqa shaharlarda namoyishchilar tez yordam mashinalari va shahar avtobuslari, metro bekatlari, masjidlar, banklar va do‘konlarni vayron qildi. 100dan ortiq politsiya xodimi qurbon bo‘ldi.
Eron rahbariyati ushbu voqealarning siyosiy tomonga burilishida Isroil va AQShni aybladi.
Rasmiy manbaalarga ko‘ra, tartibsizliklar qurbonlari soni 500dan oshgan, ularning aniq soni tergov tugaganidan so‘ng e’lon qilinadi.
Tartibsizliklar uyushtirishda ayblanib uch ming kishi qo‘lga olingan, ularning turar joylaridan qurol-aslaha topilgan.
