Shaxmatchi Javohir Sindarovga faxriy unvon va 3 xonali xonadon berildi

© NOK UzbekistanaDjavoxir Sindarov
Djavoxir Sindarov - Sputnik O‘zbekiston, 1920, 27.11.2025
Obuna bo‘lish
Prezident farmoni bilan Javohir Sindarov “O‘zbekiston Respublikasida xizmat ko‘rsatgan sportchi” faxriy unvoni bilan taqdirlandi va 3 xonali xonadonga ega bo‘ldi.
TOShKENT, 27 noya – Sputnik. Prezident farmoni bilan O‘zbekiston milliy terma jamoasi a’zosi Javohir Sindarovga “O‘zbekiston Respublikasida xizmat ko‘rsatgan sportchi” faxriy unvoni berildi. Bu haqda prezident matbuot xizmati xabar berdi.
“Mamlakatimizda shaxmat sport turini yanada rivojlantirishga, xalqimiz o‘rtasida ushbu sport turini ommalashtirishga qo‘shayotgan ulkan hissasi, el-yurtimiz oldidagi farzandlik burchiga sodiq qolib, azmu shijoati, yuksak iroda va mahoratini, vatanparvarlik fazilatlarini yaqqol namoyon etgani, jahon miqyosida Vatanimiz sharafini munosib himoya qilib, yuqori natijaga erishgani, Yangi O‘zbekistonning obro‘-e’tiborini dunyoga tarannum qilish, yoshlarimizni ona yurtga muhabbat, milliy g‘urur va iftixor tuyg‘ulari ruhida tarbiyalash borasidagi alohida xizmatlari uchun”, - deyiladi farmon matnida.
Shuningdek, farmonda Jahon kubogi sohibi bo‘lgan shaxmatchi Prezident sovg‘asi — 3 xonali xonadon bilan taqdirlanishi, uning murabbiylari esa pul mukofotlari olishi qayd etilgan.
Eslatib o‘tamiz, grossmeyster Javohir Sindarov 26-noyabr kuni Hindistonda o‘tgan shaxmat bo‘yicha Jahon kubogida g‘alaba qozondi. U finalda xitoylik raqibidan ustun keldi.
Chempionat mira po rapidu i blitsu v Samarkande - Sputnik O‘zbekiston, 1920, 26.11.2025
O‘zbekistonlik shaxmatchi Javohir Sindarov FIDE Jahon kubogi chempioni bo‘ldi
Yangiliklar lentasi
0