Valentina Matviyenko Toshkentda urush faxriylari bilan uchrashdi
14:29 06.04.2025 (yangilandi: 10:39 10.04.2025)
© Sputnik / Baxrom Xatamov
Obuna bo‘lish
Valentina Matviyenko: O‘zbekiston G‘alabaga ulkan hissa qo‘shdi, 2 milliondan ortiq aholi frontga ketdi, besh yuz mingdan ortiq kishi jang maydonida halok bo‘ldi
TOShKENT, 6 apr — Sputnik. Federatsiya Kengashi raisi Valentina Matviyenko Toshkentda O‘zbekistonga erta bolalikdan evakuatsiya qilingan, ikkinchi vataniga aylangan Ulug‘ Vatan urushi faxriylari va Leningrad qamalidan omon qolganlar bilan uchrashdi.
Mazkur uchrashuv Rossiya parlamenti yuqori palatasi rahbarining Parlamentlararo ittifoqning 150-assambleyasida ishtirok etish uchun O‘zbekistonga tashrifi dasturining muhim nuqtasi bo‘ldi.
Rabochiy vizit Valentini Matviyenko v Uzbekistan
© Sputnik / Baxrom Xatamov
O‘zbekiston G‘alabaga ulkan hissa qo‘shdi, 2 milliondan ortiq aholi frontga ketdi, besh yuz mingdan ortiq kishi jang maydonida halok bo‘ldi, dedi Federatsiya Kengashi raisi.
“O‘zbekistonlik jangchilar Ulug‘ Vatan urushining barcha muhim janglarida, jumladan, Leningrad jangida ham qatnashgan. Ona shahrim Sankt-Peterburgdagi Piskarovskoe memorial qabristonida Leningradni ozod qilish uchun halok bo‘lgan o‘zbekistonlik qahramonlarga bag‘ishlangan xiyobon tashkil etilgan. Peterburgliklar esa ularning jasoratiga hurmat bajo keltirib, qabrlariga gullar olib kelishadi. Urush yillarida Toshkent va O‘zbekistonning boshqa shaharlari yuz minglab ko‘ngli ochiq odamlarga boshpana berdi, g‘amxo‘rlik qildi", — dedi Valentina Matviyenko.
Uning so‘zlariga ko‘ra, ular orasida hayoti saqlanib qolgan yetimlar ham bor. Bu yerga qamalda qolgan Leningradlik bolalar evakuatsiya qilingan. “O‘zbekiston chinakam rahm-shafqat va qahramonona mehmondo‘stlik ko‘rsatdi, buni barchamiz eslaymiz”, deya qayd etdi u.
Rabochiy vizit Valentini Matviyenko v Uzbekistan
© Sputnik / Baxrom Xatamov
Federatsiya Kengashi Raisi respublikaning barcha aholisi va O‘zbekiston rahbariyatiga bugungi kunda ham urush xotirasini avaylab saqlayotgani, faxriylarga ko‘rsatilayotgan iliqlik va e’tibor uchun minnatdorlik bildirdi. U tarixni qayta yozishga urinishlarga yo‘l qo‘yib bo‘lmasligini, afsuski, hozir ayrim mamlakatlarda kuzatilayotganini ta’kidladi.
Federatsiya Kengashi Raisi urush faxriylari va qamalda omon qolganlarga Rossiya prezidentining farmoni bilan urush faxriylarining buyuk jasorati, qahramonligi va fidoyiligiga chuqur hurmat belgisi sifatida ta’sis etilgan “1941-1945 yillardagi Ulug‘ Vatan urushidagi G‘alabaning 80-yilligi” yubiley medalini topshirdi.
Rabochiy vizit Valentini Matviyenko v Uzbekistan
© Sputnik / Baxrom Xatamov
Medallar Stalingrad mudofaasi va Kursk jangi qatnashchisi Akmal Akramov, Minsk yaqinidagi janglar ishtirokchisi Fodor Fedin, qamalda qolgan Leningradning O‘zbekistondan boshpana topgan fuqarolari: Valeriya Sapriko, Tamara Siglinseva, Margarita Filanovich, Mariya Sokolova, Tamara Skolichova, Tamara Smolich va Yuriy Smolichga topshirildi.
Rabochiy vizit Valentini Matviyenko v Uzbekistan
© Sputnik / Baxrom Xatamov
"Biz siz bilan faxrlanamiz, sizni hurmat qilamiz va sevamiz. Men sizga ta’zim qilib, siz bizdagi eng qimmatli narsa ekanligingizni aytmoqchiman!" — deya qo‘shimcha qildi Valentina Matviyenko.
