Toshkentda Turkiy davlatlar xalqaro universiteti ochiladi

© Sputnik / Yevgeniy Odinokov / Mediabankka o‘tishPustaya auditoriya
Pustaya auditoriya - Sputnik O‘zbekiston, 1920, 28.01.2025
Obuna bo‘lish
Universitetda talabalarni o‘qitish to‘lov-kontrakt asosida amalga oshiriladi.
TOShKENT, 28 yanv — Sputnik. Toshkentda Turkiy davlatlar xalqaro universiteti tashkil etiladi. Bu haqda prezident tomonidan qabul qilingan tegishli qarorda nazarda tutilgan.
“Turkiy davlatlar xalqaro universitetini tashkil etish to‘g‘risida”gi qarorga ko‘ra, Toshkentda Turkiy davlatlar xalqaro universiteti tashkil etiladi.
Quyidagilar Universitet faoliyatining asosiy yo‘nalishlari etib belgilandi:
muhandislik, qurilish, logistika, axborot texnologiyalari va dasturlash, sog‘liqni saqlash, qishloq xo‘jaligi, oziq-ovqat sanoati hamda iqtisodiy va ijtimoiy soha uchun xalqaro standartlarga muvofiq oliy ma’lumotli kadrlar tayyorlash;
o‘quv dasturlarini xorijiy, shu jumladan, Turkiyaning yetakchi oliy ta’lim tashkilotlari bilan hamkorlikda, shuningdek, qo‘shma ta’lim dasturlari asosida joriy etish hamda ilmiy-tadqiqotlar olib borish.
Universitet nodavlat oliy ta’lim tashkiloti hisoblanadi hamda o‘z faoliyatini O‘zbekistonning ta’lim sohasidagi qonunchilik hujjatlari asosida amalga oshiradi.

“2025/2026 o‘quv yilidan Universitetda ta’lim jarayoni ta’lim sohasida xalqaro e’tirof etilgan tashkilotlar reytingida birinchi 1000 talik ro‘yxatga kirgan, shuningdek, o‘z yo‘nalishida yetakchi hisoblangan Turkiya Respublikasi oliy ta’lim tashkilotlarining o‘quv dasturlari asosida tashkil etiladi”, — deyiladi hujjat matnida.

Universitetda talabalarni o‘qitish to‘lov-kontrakt asosida amalga oshiriladi hamda qabul parametrlari va to‘lov-kontrakt miqdori universitet tomonidan belgilanadi.
Universitet faoliyatini yo‘lga qo‘yish va muvofiqlashtirish bo‘yicha boshqaruv kengashi tashkil etiladi.
 V Tashkente proshel Literaturniy diktant - Sputnik O‘zbekiston, 1920, 27.01.2025
Buxoro va Namanganda davlat texnika universitetlari tashkil etiladi
Yangiliklar lentasi
0