O‘zbekiston YaIM so‘nggi 5-yil ichida qanday o‘sdi — infografika

Obuna bo‘lish
2024 yilda O‘zbekistonda iqtisodiy ko‘rsatkichlarning barqaror o‘sishi davom etdi.
2024 yilning yanvar-dekabr oylarida respublika yalpi ichki mahsuloti 1,45 kvadrillion so‘mni, bu yil davomidagi o‘rtacha rasmiy kurs bo‘yicha 115 milliard dollarni tashkil etdi. O‘zbekiston Statistika agentligining dastlabki ma’lumotlariga ko‘ra, 2023-yilga nisbatan yalpi ichki mahsulot 6,5 foizga o‘sgan.
Barqaror o‘sish sur’atlarini aholi jon boshiga yalpi ichki mahsulot ham ko‘rsatmoqda, bu ko‘rsatkich 2024-yilda 39,1 million so‘mga teng bo‘ldi. Bu o‘tgan yilga nisbatan 4,4 foizga, 2020-yilga nisbatan 19,5 foizga ko‘p bo‘lib, bu fuqarolar farovonligi va mamlakatning umumiy iqtisodiy rivojlanishi ko‘rsatkichidir.
O‘zbekistonning 2025-yilgi davlat budjeti to‘g‘risidagi qonunga ko‘ra, joriy yilda O‘zbekistonda yalpi ichki mahsulot 6 foizga o‘sishi prognoz qilinmoqda.
2030 yilga borib esa “O‘zbekiston – 2030” strategiyasiga muvofiq aholi jon boshiga yalpi ichki mahsulot hajmi 4 ming dollarga, mamlakat yalpi ichki mahsuloti esa ikki barobarga – 160 milliard dollarga yetkaziladi.
O‘zbekiston YaIM so‘ngi 5-yil ichida qanday o‘sgani haqida batafsil — Sputnik O‘zbekiston infografikasida.
Yangiliklar lentasi
0