O‘zbekiston va Rossiya migrantlarning muammolarini hal qilishda hamkorlik boshladi

© Sputnik / Kirill Braga / Mediabankka o‘tishSentr sodeystviya migrantam v Volgograde
Sentr sodeystviya migrantam v Volgograde - Sputnik O‘zbekiston, 1920, 28.01.2025
Obuna bo‘lish
Endi Rossiyadagi o‘zbekistonlik migrantlarga bepul yuridik yordam ko‘rsatiladi.
TOShKENT, 28 yanv — Sputnik. O‘zbekiston Migratsiya agentligi va Rossiyaning "Mehnat nizolarini hal qilish markazi" nodavlat notijorat tashkiloti o‘rtasida hamkorlik memorandumi imzolandi, deya xabar berdi agentlik matbuot xizmati.

“Memorandum doirasida Rossiya Federatsiyasida vaqtincha mehnat faoliyatini olib borayotgan o‘zbekistonliklarga mehnat huquqlarini himoya qilish bo‘yicha BEPUL yuridik yordam ko‘rsatiladi. Ya’ni ish beruvchilar bilan mehnat sohasidagi nizolarni hal qilishda mediatsiya usulida yuridik ko‘mak beriladi”, — deyilgan xabarda.

Agar O‘zbekiston fuqarolari mehnat huquqi sohasida maslahat olmoqchi yoki ish beruvchilar bilan mehnat nizolarini hal qilmoqchi bo‘lishsa, u holda markazning rasmiy saytida so‘rov qoldirishlari mumkin bo‘ladi.
Mehnat nizolarini hal qilish markazining xodimi murojaat yo‘llagan fuqaro bilan bog‘lanadi va mavjud muammoni Rossiya Federatsiyasi qonunchiligi doirasida hal qilishning eng yaxshi usullarini aniqlashga yordam beradi.
Mediatsiya - bu nizoli tomonlar o‘rtasidagi munosabatlarni tiklash va kelishuvga erishish uchun mediatorning yordami bilan amalga oshiriladigan huquqiy yordam turi.
Rossiya qurilish kompaniyasi o‘zbekistonlik migrantlar uchun o‘quv kurslari tashkil etmoqchi
Rossiyada ishlamoqchi bo‘lganlar uchun bepul rus tili kurslari ochiladi
O‘zbekistonda rossiyalik ish beruvchilarning talabnomalariga asosan ishga qabul qilish uchun nomzodlar qanday imtihondan o‘tmoqdalar? - Sputnik O‘zbekiston, 1920, 23.01.2025
Matbuot markazi
Rossiyalik ish beruvchilarning talabnomalari: nomzodlar qanday imtihondan o‘tishmoqda?
Yangiliklar lentasi
0