Primorsk o‘lkasi Buxoro, Samarqand va Sirdaryodan mutaxassislarni ishga jalb etmoqchi

© RIA Novosti / Pavel LisisinProizvodstvo stalnix konstruksiy na zavode
Proizvodstvo stalnix konstruksiy na zavode   - Sputnik O‘zbekiston, 1920, 27.01.2025
Obuna bo‘lish
Primorsk o‘lkasidagi ish beruvchilar tomonidan o‘zbekistonliklar uchun barcha sharoitlar yaratib berilishi ma’lum qilindi.
TOShKENT, 27 yanv — Sputnik. Rossiyaning Primorsk o‘lkasi delegatsiyasi malakali mutaxassislarni ishga jalb etish bo‘yicha muzokaralar o‘tkazish maqsadida O‘zbekistonga keladi, deya xabar berdi "Dunyo" AA.
O‘zbekiston Bosh konsulxonasi ko‘magida Tashqi ishlar vazirligi, Migratsiya agentligi vakillari va Primorsk o‘lkasi hukumati mutasaddilari o‘rtasida onlayn muzokaralar o‘tkazildi.
Tomonlar O‘zbekiston fuqarolarini qonuniy asosda Rossiyaning Primorsk o‘lkasiga ishga jalb qilish masalalari yuzasidan fikr almashishdi.
“Shu yil fevral oyida Primorsk o‘lkasi delegatsiyasining O‘zbekistonga navbatdagi tashrifini amalga oshirish masalalari muhokama qilindi. Safar davomida Buxoro, Samarqand va Sirdaryo viloyatlaridan malakali ishchilarni Primorsk o‘lkasiga ishga jalb etish bo‘yicha muzokaralar o‘tkazilishi rejalashtirilmoqda”, — deyiladi xabarda.
Aytilishicha, Primorsk o‘lkasidagi ish beruvchilar tomonidan O‘zbekiston fuqarolari uchun barcha sharoitlar yaratib beriladi.
Bundan tashqari, ishga jalb qilinadigan fuqarolarning Rossiyada mehnat faoliyatini olib borishi uchun ruxsatnoma (patent)ni rasmiylashtirish jarayonini soddalashtirish maqsadida tibbiy ko‘rikdan o‘tish va yuqumli kasalliklar mavjud emasligi haqidagi ma’lumotnomalarni rasmiylashtirishni O‘zbekistonda o‘tkazish ko‘rib chiqilmoqda.
Rossiya Primorsk o‘lkasida Toshkent texnoparkining filialini ochishni taklif qildi
Primorsk o‘lkasi bilan migratsiya sohasida muzokara o‘tkazildi — batafsil
Sobornaya mechet Bibi-Xanim musulmanskoe kultovoe soorujenie v Samarkande - Sputnik O‘zbekiston, 1920, 27.11.2024
Kelasi yil Samarqandda migratsiya bo‘yicha Primorsk o‘lkasi vakolatxonasi ochilishi mumkin
Yangiliklar lentasi
0