Putin Trampga qanday ta’sir o‘tkazishni biladi — sobiq maslahatchi

© Sputnik / Ramil Sitdikov / Mediabankka o‘tishItogi 2024 goda s Vladimirom Putinim
Itogi 2024 goda s Vladimirom Putinim - Sputnik O‘zbekiston, 1920, 25.01.2025
Obuna bo‘lish
Bolton: Putin Tramp bilan qanday muomala qilishni biladi.
TOShKENT, 25 yanv — Sputnik. AQSh prezidentining milliy xavfsizlik bo‘yicha sobiq maslahatchisi Jon Bolton CNN telekanaliga bergan intervyusida Rossiya prezidenti Vladimir Putin Amerika yetakchisi Donald Trampga qanday ta’sir o‘tkazishni bilishini aytdi. Bu haqda “Newsweek” yozmoqda.
“Putin Trampga ta’sir o‘tkazishga harakat qiladi, deb o‘ylayman. Menimcha, u buni qanday qilishni biladi. U Tramp bilan qanday muomala qilishni biladi. Va menimcha, bu Ukraina uchun juda xavfli vaziyat”, - deya Boltonning intervyudagi so‘zlarini keltiradi jurnalistlar.
Putin Tramp bilan har ikki davlatni qiziqtirgan barcha sohalarda xotirjamlik bilan gaplashishga tayyorligini ma’lum qildi. Tramp avvalroq Putin bilan “darhol” uchrashmoqchi ekanligini va Rossiya rahbari ham buni xohlayotgani haqida “signallar” olayotganini aytgan edi.
22 yanvar kuni Tramp Moskva maxsus operatsiyani to‘xtatmasa, yangi sanksiyalar va bojlar joriy etish bilan tahdid qilgan edi. Oq uyning yangi xo‘jayini Ukrainadagi mojaroni zudlik bilan to‘xtatishga chaqirib, jangovar harakatlar cho‘zilishining ehtimoliy salbiy oqibatlari haqida ogohlantirgandi.
Rossiya prezidenti matbuot kotibi Dmitriy Peskov Rossiya bu tahdidlarda yangilik ko‘rmaganini aytdi. Uning eslatishicha, Tramp sanksiya usullarini birinchi prezidentlik davrida ham yoqtirgan, biroq undan teng huquqli muloqot uchun hozircha hech qanday signallar bo‘lmagan, Moskva esa bunga tayyor.
Donald Tramp vo vremya seremonii inauguratsii v Vashingtone - Sputnik O‘zbekiston, 1920, 24.01.2025
Tramp darhol Putin bilan uchrashmoqchi
Yangiliklar lentasi
0