Minskda MDHga a’zo davlatlar saylov organlari raislari yig‘ilish o‘tkazdi
© SIKPredsedatel SIK Uzbekistana prinyal uchastie v rabote zasedaniya Konsultativnogo soveta rukovoditeley izbiratelnix organov gosudarstv – uchastnikov SNG

© SIK
Obuna bo‘lish
O‘zbekiston Markaziy saylov komissiyasi raisi yig‘ilish ishtirokchilarini qutlab, kengash faoliyatining muhimligi va dolzarbligini ta’kidladi.
TOShKENT, 25 yanv — Sputnik. 24-yanvar kuni Minsk shahrida Belarus Markaziy saylov komissiyasi (MSK) raisligida MDHga a’zo davlatlarning saylov organlari raislari Maslahatlashuv kengashining to‘rtinchi yig‘ilishi bo‘lib o‘tdi. Bu haqda O‘zbekiston MSK matbuot xizmati xabar berdi.
Yig‘ilishda kengash a’zolari – Belarus (Igor Karpenko), Qirg‘iz Respublikasi (Nurjan Shayldabekova), Rossiya Federatsiyasi (Ella Pamfilova), O‘zbekiston (Zayniddin Nizamxodjayev) hamda videokonferensaloqa rejimida Qozog‘iston Markaziy saylov komissiyasi raisi (Nurlan Abdirov) ishtirok etdi. Shuningdek, maslahat ovozi huquqiga ega bo‘lgan MDH Bosh kotibi Sergey Lebedev va MDH PA Kotibiyati rahbari – Bosh kotibi Dmitriy Kobiskiy qatnashdi.
© SIKPredsedatel SIK Uzbekistana prinyal uchastie v rabote zasedaniya Konsultativnogo soveta rukovoditeley izbiratelnix organov gosudarstv – uchastnikov SNG

Predsedatel SIK Uzbekistana prinyal uchastie v rabote zasedaniya Konsultativnogo soveta rukovoditeley izbiratelnix organov gosudarstv – uchastnikov SNG
© SIK
Elektoral muhokamalar doirasida kengash a’zolari quyidagi mavzularda ma’ruzalar tingladi: 2024-yilda Qozog‘istondagi saylov jarayonlari, Qirg‘iz Respublikasidagi yangi saylov sikllari boshlanishi – ma’muriy-hududiy islohotlar doirasidagi mahalliy saylovlar, MDHga a’zo davlatlarning saylov organlari rahbarlari kengashi mamlakatlari o‘rtasida mintaqaviy hamkorlik istiqbollari.
O‘zbekiston Markaziy saylov komissiyasi raisi yig‘ilish ishtirokchilarini qutlab, kengash faoliyatining muhimligi va dolzarbligini ta’kidladi. Nizamxodjayevning so‘zlariga ko‘ra, kengashning asosiy ustuvor vazifalari MDHga a’zo davlatlar saylov organlari o‘rtasida hamkorlikni rivojlantirishga ko‘maklashish, saylov jarayonlarini takomillashtirish bo‘yicha tavsiyalar ishlab chiqish, saylovchilar huquq va erkinliklarini ta’minlash va himoya qilish bo‘yicha huquqiy asoslarni rivojlantirish hamda demokratik saylovlarni tashkil etish va o‘tkazishdir.
Nizamxodjayev kengashning yana bir muhim vazifasi sifatida MDHga a’zo davlatlar saylov organlari faoliyati bo‘yicha ma’lumot va tajriba almashishni qayd etdi.
© SIKPredsedatel SIK Uzbekistana prinyal uchastie v rabote zasedaniya Konsultativnogo soveta rukovoditeley izbiratelnix organov gosudarstv – uchastnikov SNG

Predsedatel SIK Uzbekistana prinyal uchastie v rabote zasedaniya Konsultativnogo soveta rukovoditeley izbiratelnix organov gosudarstv – uchastnikov SNG
© SIK
U 2024-yilgi saylov kampaniyasining ba’zi jihatlariga to‘xtalib, O‘zbekiston tarixida ilk bor mamlakatdagi davlat hokimiyatining vakillik organlariga saylovlar aralash saylov tizimi asosida o‘tkazilganligini va muvaffaqiyatli o‘tganini ta’kidladi.
Nizamxodjayev MDH Ijroiya qo‘mitasi, MDH PA va Kengash a’zolariga xalqaro kuzatuvda ishtirok etish uchun o‘z delegatsiyalari va vakillarini yuborganliklari uchun minnatdorlik bildirdi.
Maslahatlashuv kengashi yig‘ilishida saylov sohasida yoshlar siyosati bo‘yicha ishchi guruhini tashkil etish to‘g‘risida qaror qabul qilindi.