Samarqandda Xalqaro turizm akademiyasi ochildi
10:21 25.10.2023 (yangilandi: 10:46 25.10.2023)
© Komitet po turizmu
Obuna bo‘lish
Akademiyani tamomlagan bitiruvchiga sertifikat beriladi.
TOShKENT, 25 okt — Sputnik. Samarqandda Xalqaro turizm akademiyasi ochildi, deya xabar berdi Turizm qo‘mitasi.
Samarqandda UNWTO Xalqaro turizm akademiyasining ochilish marosimi bo‘lib o‘tdi. Bundan maqsad turizm sanoati va iqtisodiyot sohasini rivojlantirishga xizmat qiladigan malakali kadrlar sinfini shakllantirishdan iborat.
Akademiyada trening chet ellik maslahatchilar tomonidan olib boriladi. Akademiyani tamomlagan bitiruvchiga jalb qilingan hamkor ta’lim muassasalari tomonidan tan olingan sertifikat beriladi.
Samarqandda Xalqaro turizm akademiyasi ochildi
© Komitet po turizmu
“Har bir modulni tugatgandan so‘ng, talabalar xususiy sektor hamkor kompaniyalarida amaliyot o‘tash orqali amaliy tajriba orttirish imkoniyatiga ega bo‘ladilar”, — deyiladi xabarda.
Akademiya tashkilotchilari O‘zbekiston hukumati va Birlashgan Millatlar Tashkilotining Butunjahon turizm tashkiloti (UNWTO) hisoblanadi.
Samarqandda Xalqaro turizm akademiyasi ochildi
© Komitet po turizmu
UNWTOning Akademiyani tashkil etishdagi faoliyati quyidagilarni ta’minlashdan iborat:
Xalqaro tajribaga asoslangan kadrlar tayyorlash modelini yaratish;
O‘quv dasturlarini mahalliy sharoitga moslashtirish;
ToT dasturlari (trenerlarga trening o‘tish, o‘qituvchilarning malakasini oshirish) orqali mentorlarni tayyorlash;
Institutsional rivojlanishni qo‘llab-quvvatlash;
Talabalar reytingini baholash;
Ta’lim sifatini oshirish bo‘yicha konsalting xizmatlarini ko‘rsatish.
