O‘zbekistonda qanday qilib prezident maktabi o‘quvchisi bo‘lish mumkin — hujjatlar, imtihonlar
© Agentstvo spetsializirovannix obrazovatelnix uchrejdeniy
Obuna bo‘lish
O‘zbekistonning har bir viloyatida prezident maktabi mavjud. U yerga nechanchi sinfdan kirish mumkin, qanday topshirish va imtihonlardan o‘tish kerak — Sputnik materialida tanishing.
Prezident maktablari Ixtisoslashtirilgan ta’lim muassasalari agentligi tizimiga kiritilgan. Ulardan tashqari agentlik 9 ta ijodiy va 166 ta ixtisoslashtirilgan maktablarni nazorat qiladi.
O‘zbekistonda 14 ta prezident maktabi – Andijon, Buxoro, Guliston, Jizzax, Qarshi, Navoiy, Namangan, Nukus, Nurafshon, Samarqand, Farg‘ona, Xiva, Termiz va Toshkentda mavjud. U yerda o‘quvchilar beshinchi sinfdan boshlab qabul qilinadi va bepul o‘qitiladi.
Yillik kvotaga ko‘ra, maktablarning har biriga 24 kishi kirishi mumkin. Prezident maktablarida o‘qish istagida bo‘lganlar yildan-yilga ko‘payib bormoqda.
Agentlik ma’lumotlariga ko‘ra, maktabda bir o‘ringa o‘rtacha 75 dan 185 kishigacha to‘g‘ri keladi. Masalan, Toshkentda – 113, Nukusda – 106, Jizzaxda – 124, Buxoroda – 80, Samarqandda – 186. Joriy yilda 55 mingdan ortiq murojaat kelib tushgan.
Talabgorning baholar tabelidagi matematika va tabiatshunoslik fanlaridan 4-sinfdagi yillik baholari “5” baho (a’lo) bo‘lishi lozim.
Maktablar hujjatlarni onlayn tarzda qabul qiladi, qabul qilish muddatlari agentlikning rasmiy Telegram-kanalida e’lon qilinadi.
Prezident maktablariga o‘qishga kirish uchun talabgordan quyidagi hujjatlar talab etiladi:
tug‘ilganlik to‘g‘risidagi guvohnoma;
fotosurat (oxirgi 2 oyda olingan);
ota-onasi yoki uning o‘rnini bosuvchi shaxsning pasport ma’lumotlari va telefon raqamlari (doimiy ishlab turgan telefon raqamlari) aniq va bexato kiritilishi lozim;
baholar tabeli nusxasi (direktor tomonidan tasdiqlangan).
Prezident maktabiga kirish imtihonlari ikki bosqichda o‘tkaziladi. Dastlab talabalar 40 ta topshiriqdan iborat matematikadan test topshiradilar. Shu bilan birga, ularni 90 daqiqada bajarish kerak.
Prezident maktabida o‘tayotgan imtihon jarayoni
© Agentstv spetsializirovannix obrazovatelnix uchrejdeniy
Matematik test muvaffaqiyatli yakunlangan taqdirda, ikkinchi bosqichda bo‘lajak talabalarning ma’lumotlarni tahlil qilish va taqqoslash qobiliyati tekshiriladi - buning uchun 16 ta vazifani hal qilish kerak.
Prezident maktabining imtihon topshiriqlari
© Agentstvo spetsializirovannix obrazovatelnix uchrejdeniy
Keyin ular imtihon topshirishadi - matematikadan 24 ta vazifa va ingliz tilidan 40 ta test topshirig‘i. Ikkinchi bosqichning barcha topshiriqlari uchun 150 daqiqa vaqt ajratiladi.
"Ikkinchi bosqichda har bir maktab uchun 480 nafar o‘quvchidan 24 nafari tanlab olinadi. Imtihon Cambridge Assessment International Education veb-sayti va rasmiy sahifalarida e’lon qilinadi”, — deyiladi agentlik xabarida.
Prezident maktabida o‘tayotgan imtihon jarayoni
© Agentstvo spetsializirovannix obrazovatelnix uchrejdeniy
Mutaxassislarning qo‘shimcha qilishicha, Prezident maktablariga kirish imtihonlarining 2-bosqichidan o‘ta olmagan bolalar Agentlik tizimiga kiruvchi ixtisoslashtirilgan maktablardan birini tanlashi mumkin.
Bunda talaba 50% kvota va to‘plagan ballari hisobga olingan holda imtihonsiz qabul qilinadi.
